2017關西打風之旅Day6 (25.10.2017) + α

同之前一樣, 我都係朝早先執好行李XD 今日本來諗住去睇花, 但係台風過後乜都無, 我唯有選擇HEA遊大阪...

 

今日行李:

(劇透: 個袋之後爛咗, 都係IKEA袋掂)

 

一朝先返機場掛行李, 其實去到都12點幾, 不過無辦法, 邊個叫我遲出門口(HEA遊是我目標)

 

係京都站轉車個陣見到呢架火車超靚:

放低行李(要付款)之後就出返大阪。 

咁快?

 

本來今日去睇既花:

又當睇咗算XD

 

 周圍行下, 見到堆完全唔驚人既鴿: 

HI!

不過佢地個樣好似比台風嚇親咁

 

肚餓入咗間びっくりドンキー食, OK好食但係坐禁煙區都係有煙味, 好難頂...

 

www.bikkuri-donkey.com

 

行行下無啦啦有個公園, 都幾有趣:

如果香港啲公園係咁既樣已經比人投訴死: 

www.city.osaka.lg.jp

 

 貓貓s:

 

 唔知佢做錯乜呢?

 

 行下行下去咗大阪天滿宮: 

 

尿尿緊既馬:

 

 

不過我入到來啱啱儀式完咗, 執緊野, 隻馬都返去休息: 

 收檔中:

估唔到會點用:

話說有個類似導賞既人同2個外國人解釋抽簽, 呢度有英文簽仲比佢地抽到大吉真高興~  

 另一個出入口:

 

 

去咗另一個公園滝川公園, 呢棵樹都生得唔錯:

 

www.city.osaka.lg.jp

夕陽無限好(係時候走佬):

話說我行咗咁多個地方, 大阪比起其他地方來講空氣係差好多, 不過都仲好過香港市區既...ANYWAY向住JR站行, 途經大阪城:

又順便去睇下~ 啲衫係啲學生沿住護城河跑步放低, 

 

有啲學生係入面唔知係玩劍道定點, 無行入去:

 

 

準備收爐咁款:

 遊客用建築物:

 好很大棵樹呀!! 

呀唔記得重點係個城:

 呢度有位坐, 就坐咗係度食蛋等開燈... 

OK喎

環狀線:

見仲有時間就去天王寺個邊參觀下...

 

好可愛:

 

 到此一遊: 

 

www.abenoharukas-300.jp

 

呢度有展望台, 不過我對夜景又無乜特別想睇既感覺, 係咁意就响16/F個免費位睇下:

唔...睇慣香港呢度好小野啫...

呢隻唔知乜:

無我想像咁好既地方梗係撒退啦, 跟住去咗JR難波, 為咗去大阪最出名景點道頓堀......

好亂啲車站名...

 

去到基本上係旺角既進化版, 人, 全部都係人, 同埋好多廣東話同普通話......不過點都要影呢張相:

GLICO

 

仲有呢張: 

 

影完我就走了XD 完全係到此一遊既FEEL

 

去搭車途中經過有鰻魚飯賣, 又試下先:

OK啦, 如果啲飯少啲汁會好好多, 而家爛晒咁...

 

walk.osaka-chikagai.jp

 

返到去機場, 攞返行李, 買定糧食之後我去既地方係: 

是日休息地方。

 

無錯點解我好似好多時間咁, 因為飛機係第二朝7點!! 今晚要係機場瞓!!! 而我終於得閒拎熊仔出來影相XD

 

EMIL熊:

 

是日宵夜:

都幾多人用呢度:

可惜係我2019年打日記再睇返網頁, 呢度已經轉咗做收費區了... 

 

(26.10.2017)

有圖有真相, 5點半(AM):

呢舊野真係好食架, 我唔LIKE食芝士既我都OK覺得好味哩, 不過我無買 XD:

香港好似一倍價錢...

 

TODAY'S PLANE:

 搭清晨機既好處, 就係無人搭, 但係都唔係無人到咁既...

都幾誇張XD

 

基本上返來呢程我本來諗住狂睇電視, 但係頂唔順瞓咗...

 

是日早餐:

睇到都知唔好食...

 

ANYWAY話說香港航空飛機升空同降落個陣都會播啲野, 我幾日前出發個陣聽到色即是空仲以為係前後啲人播, 今次周圍乜人都無我都仲聽到, 個一下真係有點驚XD 好在好快找到個源頭...其實做乜要播呢??? 算啦唔好知...

 

就係咁我呢個打風之旅就完咗, 認真除咗去超市同衫舖(日記SKIP咗XD), 真係無乜野做過咁...不過就係一個好難得既體驗哩~

 

返到香港諗起想睇下個Y字係邊先有, 原來係唔甜奶茶款先會有個Y字:

最衰臨尾個2日先見到咁特別, 唔係就日日都留意舖頭入面有無哩...

2017關西打風之旅Day5 (24.10.2017)

今日去彥根, 但係唔係去彥根城, 係去多賀大社, 上次本來話去最後無去到個度~ 

(詳情: 2017關西北陸之旅Day8 (11.04.2017) - 矛盾だらけな毎日)

 

 我真係好鐘意棵樹: 

個問號啱啱好, 好正 XD

好可愛~ 

多賀大社可以搭近江鐵道好快到, 不過今日有雲唔曬, 一於駛單車(反正有PASS免費)

www.ekiren.com

 中途經過超市, 啲PASTRY好似好得咁(利申:無買)

maruzensuper.co.jp

 

中途去到啲好熟口面既地方, 研究咗好耐先發現呢度咪就係4月個次旅行我最後個晚住個間酒店附近 XDDD 

上圖最高個棟就係酒店 :P 

 

 經過一個MALL, 2次旅行我都無入去:

 ?????

郵局, 見到啲咁既瓦開始覺得就來到(錯):

 

 田田田田田田

 

 路軌就係搭火車既話會搭個度:

 轉入條橋就到了:

而家先記得影單車相(但係唔記得拎熊仔出來XD):

又係當睇咗紅葉既時間:

 到了: 

 

我諗來諗去都唔知以前啲人點過橋:

 樹:

平日都有人:

 

 求咗簽, 但係唔記得影低寫乜, 好失敗...

www.tagataisya.or.jp

呢度同上次去既白山比咩神社都好正~  

 

 跟住踏上歸途:

柳樹:

返去之前去咗我最喜歡既餅店買野:

可惜夜得滯無乜野揀 

taneya.jp

 

粉紅色, 好YEAH~

 

 又係去超市時間:

www.heiwado.jp

 去咗能登川, 呢度超市買四支野飲有得送隻碟:

好正:

而我係無聊地買我個英文名字母, 唔睇味:

無Y賣...我想話得支淨紅茶係飲ABLE的, 奶茶太甜, 另外個2支期間限定真係...

今晚豪食(食唔晒):

其實去餐廳係應該好食同平啲, 不過因為我係响鄉下地方選擇有限, 我寧願食呢啲算 XD

2017關西打風之旅Day4 (23.10.2017)

 一朝起身風球已過(我個度), 正吹緊東京個邊, 成朝都係播風球新聞: 

然後我見到下面個句, 米原 - 草津無JR搭.......HOLY SHIT......

 

呢棵樹真係幾靚:

去到JR站, 成個站都係人, 已經講緊十點...(無相因為影到人地正面, 唔係咁好)

 

行前睇, 唉:

T_T T_T T_T T_T T_T

 

完全唔知幾點先會有車, 呢個時候我見遠處有幾個人望出外面仲攞電話出來影相, 跟住去睇, 嘩:

 超靚的彩虹!! 咁完整既彩虹真係第一次見! 睇彩虹已經值咗今次既旅行!!! 

 

我等多陣係度諗, 反正又唔知幾時有車開返, 就算開返啲學生白領個啲又趕住返學返工, 咁我就決定去追彩虹, 由呢一個站行去下一個站 XD (好遠, 痴線唔好亂學)

 

 落返地下其實條彩虹開始到地要散: 

 不過算啦行下路算...

 追到咁上下見到其實源頭係個湖個邊, 但係要再行入啲, 最後我放棄咗, 改向車站進發..

 

 

  坐得的?

 

 唔知咩花: 

 條路好長:

 

 咁多日第一次見到Circle K, 不過好似被收購: 

 

呢度好多咁既牌話小心啲細路衝出來, 我心諗你呢度啲細路有無咁頑皮成日衝出來, 同埋呢度有咁多細路咩...

 

 

 又到咗行超市既時候:

valor.jp

 好多種類:

好似好正咁, 可惜我無得煮野食:

22YEN一個! 好抵: 

呢度麪包舖好正, 全部都係108YEN:

我買咗香腸包, 印度咖哩烤餅同埋扭紋DONUT:

我想話呢度啲包係勁好味!!!!! 又唔貴!!!!!!! 早知我買多幾個來食!!!!!!!!! 之後幾次旅行都好似無去到呢間連鎖超市, 真係可一不可再...

呢隻係滋賀特產衝出來既細路牌, 有埋精品賣哩~ (利申:太貴無買)

 

起緊樓:

 行前少少有間ドン・キホーテ, 又順便參觀一下: 

 好可愛! 但係我無能力夾佢... Orz

 100YEN咋親:

100YEN我都無買到 XD (二手)

 

 跟住向JR站方向行, 途經一間迴轉壽司店, 本來有諗過入去, 但係睇下網頁佢話要等2個鐘...痴線明明周圍都無人...結果我走咗...後尾再睇清楚, 原來呢間係北海道其中一間好出名既迴轉壽司店既分店, 有少少少少少少少少後悔無入去 XD

kansai-nagoyakatei.com

 

行去JR草津站附近, 見到有個大商場就行去睇下:

www.alplaza-kusatsu-apa.jp

 

 超大型, 乜都有咁, 我係度行咗幾個鐘 XD

 

 (唔知做乜個構圖極差, 但係好得意, 照放係度XD)

 

 

中途抽獎抽咗隻碟比阿媽(第二行左一): 

 

 

 

返到JR站有隻散步貓任人摸, 好可愛:

歷史野唔曉:

就咁行唔會行到既樓梯...

跟住返咗去酒店食下午茶(超市壽司), 再睇下新聞:

好誇張!

 

HEA到8點, 突然好想去食牛肉飯, 就行咗去食すき家:

都唔近的哩, 行到我XD

 

maps.sukiya.jp

 

然後就返酒店HEA了~ 今日都無做到啲乜咁, XDDDDD又一日~

2017關西打風之旅Day3 (22.10.2017)

一朝食咗尋日買既減價包就CHECK OUT出門口了, 目的係去買遮。BTW其實日本人都真係好鬼浪費食物, 我去任何超市都可以找到大量過期包......

其實呢間酒店係有大浴場的, 但係要搭LIFT去地下再行過去, 我覺得好唔安全就無去參觀~

 

經2日摧殘既遮:

 諗住去最近既AEON, 就去咗一個站咁遠既野里站, (不過原來另一個方向有個超大既MALL): 

一個站已經係鄉下...

 

我諗緊過幾年好唔好來睇下啲樓起成點(又唔係你住XDD)

行多十分鐘去咗個UP DUP AEON: 

www.aeon.com

無人我係可以狂影相 XD

李錦記!!!

呢個TRIP其實最正係食不同種類既柿:

 落雨落到傻咗唔記得拎熊仔出來同朋友影相...

 

最後買咗把唔實用既遮 XD 

 

12點返到姬路, 本來計劃周圍去, 但係橫風橫雨, 我諗諗下都係早啲出發, 今日要轉酒店......呢個決定亦都係我最佳決定之一, 如果我遲多2,3個鐘我應該去唔到今晚既酒店....

 

買咗個火車便當來吃, 

貴啲但係都幾好食...

 

搭咗個幾兩個鐘去到南草津只係2點, 酒店要3點先CHECK得IN, 本來諗住放低行李晏啲先, 點知個酒店職員唔知係咪見我成身濕晒咁, 勁好人照同我搞手續~ 雖然計錯數要我走2轉 XDD  

アーバンホテル南草津【公式】 | JR南草津駅西口から徒歩0分

(大啲個BANNER唔知做乜錯咗LINK咗去京都個間)

以下呢張相除咗影棵開始黃既樹, 仲有影低啲雨水有幾咁大... 

行返去JR站, 個度已經充滿咗彷徨既日本人...

我亦都費事冒險離開呢度, 陣間無火車返來...我就行咗去附近間百貨公司HEA行...

www.seiyu.co.jp

呢度啲野都幾平, 1000YEN有十對船襪(無買)。係男裝部買咗把我理想既遮, 講開呢度男女觀念真係有啲痴線, 啲女人遮全部都係得個樣, 細把又重, 反而男人遮勁多功能又輕, 但係得2隻色...

 

呢度其實好細, 仲要裝緊修, 都比我行到差唔多個半鐘, 算係咁...

行完百貨去超市, 呢度堅係平:

(利申:無買, 痴線唔知點飲)

Häagen-Dazs只係200YEN唔駛:  

(利申: 無買, 買咗日本LOCAL牌子, 勁好食, 無相)

 

瑪利餅雪糕:

(利申:無買)

 

買完野返酒店, 都只係6點幾, 無辦法要打風, 都係早啲休息算~  

(利申: 每一盒都唔係滿的)

 

呢個婆婆好勁, 咁既樣係101歲: 

 ANYWAY買咗勁多野食, 一路睇風球消息一路食, 都食咗2個幾鐘 XD

雖然話去旅行竟然遇著台風好慘, 但係我都算幾好彩, 尋日我仲住係姫路, 今日去咗南草津, 個風吹到我個度個陣係講緊凌晨, 同埋都已經減弱咗, 基本上我係乜都FEEL唔到, 然後第二朝睇新聞, 好多地方都幾大件事咁, 所以除咗話去少咗景點之外其實我都好OK啦呢個TRIP XD 

2017關西打風之旅Day2 (21.10.2017)

同上一次寫日記隔咗成年, 中途都去咗幾次旅行, 我都仲係打緊差唔多2年前既旅行既DAY 2...我好懷疑我會唔會仲記得XD

 

是日早餐:

唔知點解明知甜到我唔鐘意食但係每次去旅行我都係會照買 :P

 

今日搭JR去明石, 明明無乜人, 隔離個妹妹仔就越企越近, 搞到我唔知點算好(上圖左邊雙腳)...睇電話都唔駛咁入神!!

 

 是日吉祥物(!?)

去明石為咗搭船去淡路島, 亦都係我苦痛一日既開端...(主要係因為落雨)

www.jenova-line.co.jp

來回1000YEN

 隻船都唔錯:

係上面係咁意食下野, 雖然天氣唔好, 但係都唔係搖得好誇張

 

到咗一個好UP DUB既船站, 入面有啲LOCAL FARM拎咗啲野來賣, 好多洋蔥...不過我覺得呢度完全唔諗住做生意, 唔知係咪因為係平日既關係...

 

研究咗好耐先比我買到張巴士PASS, 我想話連個職員都唔知有咩PASS去邊係乜野玩法??

 

web.pref.hyogo.lg.jp

上到巴士開始落雨, 我開始有啲不安...坐咗陣就到咗我第一個目的地:

www.hyogo-park.or.jp

落車個度有好多野賣, 如果唔係DAY 2我真係想買返屋企...超平又靚...

我行完個花園返番來呢堆賣剩一盒咁多...

來呢度主要係為睇花的, 可惜落雨...

遠處全都係花

 

近鏡:

 

今次旅行目的其中一個係睇COSMOS, 即係呢啲:

可惜落雨同埋花期問題, 一係未開, 一係開咗比雨打到散晒, 我已經好努力...

 

努力係因為其實一路影一路落緊大雨, 加埋大風, 把遮基本上用完今日係爛晒...

突然有馬(地面唔係濕係KEEP位流緊水):

遠處有牛:

行到咁上下有啲唔知乜鬼展:

整得幾好(如果唔係落大雨既話更好)

 

 

如果個天再靚啲更好...

 

太大雨頂唔順, 入咗個休息站買牛奶飲:

其實我分唔出咩味...

 

呢度仲有張我原本想睇到既花既樣:

唉都係睇相算...

 

出返去等巴士, 有圖有真相, 賣鬼晒了:

另外仲有唔知乜野既生果賣:

 

等到架車, 係私家車咁款, 好明顯平日會搭呢架車既人一隻手既手指都數得晒...

咁去下一個叫做景點既地方:

www.yumebutai.co.jp

 

當睇咗紅葉XD:

 

 

 

 

熊仔OUT FOCUS:

呢度人比較多, 有間酒店, 亦都有好明顯係遊客既遊客...

好遊客價既舖頭

...兔仔?

唔知咩花:

 

中途經過国営明石海峡公園, 但係因為落雨關係我無入到...唔想好似頭先咁...

跟住去返酒店附近等車返船站, 呢間係酒店入面好遊客用既舖頭:

本來諗緊去唔去道の駅食生白飯魚飯, 但係個阿伯司機勁唔合作又唔理人, 我又驚雨越落越大, 唉算了就搭返船出返明石......

 

出咗明石唔知做乜人多雨水又多, 我行去買咗少少野就搭JR去咗加古川:

去呢度主要係想去買傳聞中好好食既鯛魚燒:

tabelog.com

停車場:

SORRY實在太好食, 我食到一半先記得影相:

不過要等好耐, 除咗人多仲要慢慢整, 但係真係好值得等, 仲有你估唔到咁細間舖頭有幾多人等緊, 仲有咁細條魚仔可以放幾多紅豆入去 XDD

 

因為比雨淋咗成日, 我5點未夠就返去酒店休息, 然後見到奇景:

全部都係雀, 佢地係呢幾棵樹轉來轉去, 勁嘈勁誇張XD 

返到酒店, 條褲原來係濕晒//// 之後再出去附近行一陣就返去休息了....

 

 

(我終於打完DAY 2, YEAH! <= 而家係2019年6月)