2017關西打風之旅Day1 (20.10.2017)

寫完Day00之後又隔咗3個月先得閒寫, 我睇返啲相連自己去過邊都無印象XD 同天氣唔好無乜影相都有啲關係, 然後我發現當年唔記得比Google睇我GPS, 我連靠Google Timeline都唔得...

ANYWAY飛到去5點幾, 搞埋過關買埋火車PASS(5DAY關西廣域PASS同埋1DAY關西PASS)竟然仲趕得切搭頭班車, 好勁(自讚)!

搞緊MARIO...

不過我出關個陣唔知係咪因為我帶咗太大個喼但係一個人, 我比個關員係咁問我有無運金有無手槍個啲...頂你知唔知你啲英文好屎呀! 同埋你講咁多野不如打開我個行李箱睇咗先啦妖...好在無阻住我搭車...仲話打風無問題, 我之後幾日不知幾慘...

有得睇無得玩...

ANYWAY今次唔搭船搭JR搭到去姫路~ 

日本第一飲! XD

去到姫路9點都未到XDDD 先去咗酒店放低行李就返番去JR姫路站...

 

舊地重遊...但係掛住影白鴿最重要既姫路城係比條燈柱遮住咗 XD

ANYWAY我決定進軍四国! 反正天氣唔好睇景點不如周圍行下~ 

最後無買既手信(貴咗啲)

今次無坐到, 下次再來呢邊應該都無得坐了

咁啱見到比修學旅行包晒既新幹線

青春

無人話我知點解當日我會影張咁既相???

 

要去四国先要係岡山轉車, 途中經過手信店:

一個人食唔晒, 唔係我會買來試

是日早餐:

OK啦

好難飲

好好食! 但係食得好辛苦, 碎晒

ANYWAY經過成朝既時間, 我終於去到四囯!...

完全比唔到四国既感覺 XD 其實我係為免麻煩求其落咗車無去高松去咗宇多津 XDD

四国熊

 

話說日本啲樹真係好靚, 我狂影...

 

行咗15分鐘之後我去既地方係...

小型AEON TOWN! (對我又日日行超市...打風嘛唔去超市去邊好)

www.aeontown.co.jp

好抵

好抵 (日日都食柿, 正)

證明我真係去咗四囯既相(證實唔到)

樹 :D

 

行下行下又去咗另一個市場既物體...

www.skimura.jp

好抵

好抵

好抵(買咗)

好抵

好抵

全部都好抵仲好靚咁, 果然係四国(!?)

 

唔知佢做錯乜?

行超市同市場既後果, 係唔知幾時已經2點半, 而我仲未認真地食野...

 

是日午餐:

幾好食

去到岡山要等半個鐘先有車返姫路, 我決定出車站開餐...

連晴天之國岡山市都陰天, 我真係好彩...

是日午餐2:

好食

好食

好食(食咗2日)

好好食

 

跟住就返去CHECK-IN了, 今日住呢度:

www.himeji-plaza.co.jp

頂係尾房, 好遠...

1個人房係咁

一開電視見到相棒:

 

爆唔記得咗買咗林柿, 林咗 XD 超好食BTW~

食完無乜野做就出去係JR站附近行~ 

 

鐘意食柿真係呢個時間來日本超正

又係超市(去到我都唔知去咗邊, 基本上我係周圍行咗一陣之後我就以超市為終點咁行, 跟住行到邊睇到邊)

行到咁上下就返去休息了, 就算去旅行我都係同平時一樣係早睡早起的(早睡更早起, 後述)

 

是日晚餐: 

麥記! 個包真係好GINGER我唔LIKE

好吃

好食(無睇錯, 係中午個啲)

好好食

好Q難食...

 

無睇錯, 呢個都係中午林咗既林柿, 而我係呢個MOMENT先食, 時間係清晨四點 XD

好Q難飲

 

太早要睇直銷節目 XD

 

呀我想話我剩係今日已經搭咗超過JR PASS費用既火車, 真係超抵!

2017關西打風之旅Day00 (19.10.2017)

今次旅行準備工夫做到好似無咁滯, 仲要做埋啲白痴野......話說我放工之後返去執行李, 唔...? 點解好似差咁啲野咁...原來我放低咗個尿袋係公司......基於我完全唔想再買既關係, 我係巴巴聲搭車來回去攞返...好在都仲趕得切搭車...

 

話說行去寄倉個陣有個南亞人行來話唔識講中文叫我幫佢用佢部電話...但係好明顯佢行多2步就可以有HELP DESK幫佢, 騙人可唔可以PRO啲...? 不過唔知個PLOT係點...? 攞起佢部電話會好危險定點...? 唔...

循例一影~ 今次搭既係香港航空凌晨機~

話說我第一次搭香港航空, 基本上性價比極高, 係舊少少, 啲野食唔好食, 同埋會播舍利子色即是空(我去程以為附近有阿伯大聲播, 返HK個程因為無人先好SURE係廣播XD)之外, 其他都唔錯, 仲有電視睇~

是日晚餐(豆腐花之外的都不能用言語表達佢有幾難食...)

 

本來我諗住瞓的, 但係佢有得睇帝一之國, 雖然係低畫質, 但係睇下睇下又想睇埋結局, 最後既惡果當然係第二日超辛苦 XDDD 

帝一の國 通常版Blu-ray
 

 

 

2017關西打風之旅Day0

話說今年1個人去完睇櫻花之旅成功之後, 我係度諗, 不如下半年度去多次啦咁...跟住見到香港航空機票價錢同搭JETSTAR差不多, 咁就試下佢~~~

 

.........

可惜買完無幾耐開始, 勁! 多!! 野!!! 做!!!!

 

係完全無時間無心機去PLAN旅程, 酒店都係個幾月前先訂, 原本想BOOK個間已經無房...

 

 

不過後尾發現我其實係有遠見, 因為我竟然咁好彩遇上打風! 橫風橫雨EVERYDAY...就算最後2日天氣好返但係本來想去既賞花地點既花已經被吹散...所以如果我PLAN到好完美之後發現去唔到就會狂嘔白泡, 而家只係少量嘔白泡 XD 真係大風大雨到連熊仔都無出過來影相咁滯...

 

ANYWAY下次一係去短啲, 一係去長啲, 得個6日(+1日, 後述)都唔知想點wwww 

2017關西北陸之旅Day8 (11.04.2017)

今日係呢個旅行最後一日, 時間過得真係快~

 

是日早餐(之一):

尋日本來食最後放棄咗...

 

承Day7遊記所言, 一朝起身發現自己乜都未執個時都咪話唔驚恐, 好在醒個時係5點半過啲...

 

是日咖哩:

今次只係買咗5包, 好在只係買咗5包...BTW影相原因係因為我要放棄包裝 :P

 

好可惜因為我尋晚睇電視之故, 令到我今朝要埶行李, 令我遲咗個半鐘出唔切門口...本來我PLAN去多賀大社之後番去彦根彦根城後再出發機場, 結果我諗下諗下都係唔想太趕, 就放棄多賀大社剩係去望下彦根城(1.5小時)算...不過事實証明我遲咗剩係去1個景點係正確的, 理由後述...

www.tagataisya.or.jp

聽聞簽文係古歌, 好想要 :)  仲有糸切餅都好似好好吃~

 

彦根周圍都係呢隻貓:

 

係城圍邊已經好多花:

 

可惜係陰天, 唔係會有花倒影會好靚

呢張純粹係因為前面位女士既黃色同粉紅色好襯~

只係外牆

有人坐

 

行到去買飛既位置又見到呢隻貓:

 

本來想上去睇下, 然後望下價錢:

WOOHOO, 諗咗一陣, 我今日唔能夠久留, 再見到買完飛仲要上山先去到天守閣, 最後決定都係坐係度休息一陣算...

 

正當我想走之際, 我見到啲人集中咗係呢度:

?????

 

.......

 

ひこにゃん!!! 好可愛~ 

 

我來呢度主要係想睇佢! 頭先諗買飛其中一個念頭就係想買飛睇佢! 好在我無買, 原來佢落雨會係博物館呢邊出現係唔係响收費區出現! 而係就咁開門比我地睇!! 如果好天個時佢會去天守閣, 咁我就要買飛哩~ 今日落雨唯一好處 :D 

 

比多個SHOT:

佢成個表演成30分鐘! 不過睇咗一陣其實佢只係行出來賣萌!! 行得好慢好慢之後, 做完動作擺甫士跟住重覆~ 我睇咗十分鐘唔夠就同佢SAY GOODBYE~ (放心我應該會再來, 下次要挑戰彦根城超急唔係人行既天守閣樓梯!!)

www.hikoneshi.com

其實由呢度去機場都要啲時間, 我諗下諗下就諗住早啲番去, 見仲有少少時間, 就半跑番去JR站, 因為行去彦根城中途見到間百貨公司, 行入去既時候竟然比我見到只會係多賀大社附近賣既糸切餅!! 即刻係趕火車之前沖去買2盒!! 話説我去彦根城只係用咗個零鐘, 個零鐘內原本有8盒餅比人賣淨4盒! 真係好多人買 :)

相片係拎番公司比人食既時候影的, 唔甜好好食(不過我老細話超甜, 唔明) :) 聽聞其實有3間唔同舖頭賣呢隻餅, 另外2間應該要去多賀大社個度先有得買, 我記得睇過有間仲係即製的!! 好想買來試下哩~ 好在買到呢盒餅, 都算彌補咗我今次想去多賀大社但係去唔到既苦痛~

今次係買呢間:

www.itokirimochi.co.jp

有得賣既係呢間百貨公司:

www.hatosen.jp

 

買完野就番酒店攞行李出發(唔知會唔會過重而淆底中)! 話説我由酒店拖行李去JR站(呢間酒店超近, 又係推薦之一)既時候, 有個日本後生仔以為我係日本人就搭訕問我出發去邊度, 我話唔係呀我係番去香港, 佢個樣係完全唔知邊度係香港, 仲問我要搭幾耐飛機...跟住就走鬼咗佢...希望我講完之後佢會對香港產生興趣啦(應該唔會)~

 

點解我一開始話好在放棄去多賀大社呢? 仲有好在我決定早啲番機場! 因為我唔記得個JR PASS, 米原到新大阪既新幹線係唔包的! (明明PLAN個時有呢個認知 Orz) 去到米原想搭個時比個站員STOP咗我! 好彩我無驚慌仲即刻CHECK下要點搭車!! 然後發現仲有3分鐘唔夠, 就有一架出發去京都既火車米原開出! 如果我趕到呢架就可以係2點20分去到機場!!! 而家諗番其實可以遲半個鐘都無事, 不過唔知做乜我係即刻衝過去搭車!! 拖住個差不多26KG既行李箱, 拎住7KGPLUS既背包, 孭住一個5KG到既IKEA袋, 仲有一個裝錢同護照等等事物既斜孭袋, 我衝咗去搭LIFT!! 竟然又比我衝到!! 好激動!!!  不過如果我唔衝去買個便當食就更好...因為無野食到咁...

 

 

唔啱我口味...

 

結果2點4到達機場, 等咗半個幾鐘先搞掂寄倉行李 :P 

 

是日行李:

好孩子不要學 XDD 係我執咗2個幾鐘既成果 XD

 

是日係日本最後一餐:

本來諗住去食LAST MEAL, 但係我既選擇困難症又發作, 跟住找下找下又好似就來夠鐘咁, 最後只係買咗杯雪糕做總結 XD 我仲要無係機場舖頭睇有無野買(因為已經唔可以再買, 行李會過重)...BTW JETSTAR對於1隨身1手提呢個設定真係好嚴, 我見有PAIR人係停咗係度唔知點算咁, 佢地2個人有6袋...不過好似最後都放過佢啲生菓唔當一箱...仲有好在無CHECK HANDCARRY幾重 XD

 

是日熊仔:

好開心咁呀佢~

 

是日吉位:

好似係我第一次坐飛機無人坐隔離~ 一個人飛既好處??

 

是日晚餐:

JETSTAR比你帶野食上機呢個係非常好既事! 呢個包好好食, 不過我應該買埋麥記 :P 

 

返到香港, 嘩好很熱...因為我著住最重個件長袖衫仲有外套, 而香港係廿幾度...好在落過下雨唔係都唔知點算...本來想係機場食埋麥記先走, 但係一睇巴士app, 仲有十分鐘就有車返, 咪衝過去搭......個巴士站去到最遠!! 好在個司機好人等埋我...不過已經無位放行李, 我要企係度睇住行李, 足足企咗成粒鐘先有位坐下...結果番屋企煮麵食 XD

 

是日行李2:

行李箱太重要比人掛呢個牌~ 

 

 

本來想擺埋我買咗啲乜既相放係度, 但係啱啱見到影咗啲唔係咁好比人睇到既野, SO算了 :P 

 

是次旅行總結: 一個人去旅行原來係好開心的 XD 

 

P.S. 如果剩係計用PASS個7日, 個PASS萬五YEN, 我諗我搭咗成六萬幾YEN火車...好過份 XDDD 

2017關西北陸之旅Day7 (10.04.2017)

是日早餐: 無。因為尋日無拎到餐券, 我又懶得問...anyway今日要南下去滋賀, 因為聽日就要搭飛機 T_T

今朝唔食早餐, 為咗要去呢度:

富山県高岡市にある自然公園::高岡古城公園 公式ウェブサイト

 

終於見到花倒影

高岡古城公園係一個好大既公園, 入面仲有一個免費動物園, 不過今日星期一休館 :( 

 

係公園中間係射水神社:

因為我太早既關係, 社務所係未開門, 但係就有好多不同種類既簽比我求, 剩係諗想抽邊種都諗好耐~  射水神社|お守り 

www.imizujinjya.or.jp

參拜完繼續睇花:

 

 

 

同場加映:

 

椿樹真係好型~

 

個人感覺呢度比起啲著名景點靚好多 :D 不過唔知晏啲會唔會人多喇就~ 

富山県高岡市にある自然公園::高岡古城公園 公式ウェブサイト

 

 

舊地重遊:

(註: 2015中部北陸之旅DAY3 (1.9.2015) - 矛盾だらけな毎日)

 

好可惜今日同上次來一樣都係陰天...

第三次來既話應該唔會 XD

www.takaokadaibutsu.xyz

 

去完就番酒店CHECKOUT出發: 

呢2幅圖係用來表示間房同部LIFT有幾近...

 

下次想去呢度睇下哩:

 

 

去酒店既車程非常長, 連埋啲轉車時間要3個小時 XD 不過搭火車都係旅程既一部分哩~ 

 

是日BRUNCH:

幾好食哩其實駅弁, 下次我要記得買來當午餐...

 

經過6日幾後既行李(未計背包): 

不過我唔記得影低走個陣有幾多行李...

 

12點終於到南彦根:

放低行李就出發了。呢個時候我仲未諗到去邊, 就去附近幫阿媽(同埋自己)買野。

中途經過既公園仔都有呢個效果真係好正~

 

買買下又買咗好多野, 見仲未夠鐘去CHECKIN又再出發。本來想去附近個大百貨公司睇野, 但係諗諗下係時候去下TAX FREE, 就諗住去近江八幡AEON MALL, 順便去觀下光~ .........不過超大風! 凍死人!! 唔記得咗呢度有個湖, 啲風會凍啲!!! 話説今朝係高岡係9度, 去到近江八幡有12度, 但係呢度凍到想殺人! WHY...

但係來到無理由空手而回, 咁就去咗呢間買蛋糕:

clubharie.jp

買咗年輪蛋糕同燒餅返屋企, 另外仲買咗2舊蛋糕今晚食~ BTW年輪蛋糕超好食!!! 食得開心得滯完全唔記得影相 :P 下次要試即製個隻 :D 

 

BTW來到呢度啱啱幾間高校開學, 然後JR好識做生意開咗幾個臨時檔口賣定期PASS :)

 

買完蛋糕就去AEON:

呢張相係我見有對香港人夫婦經過影我又跟住佢地。噢都係年紀比較大的 XD 只要知道呢度真正景點係乜野就會明點解會搞成咁 XDDD

 

是日洗手間:

我真係好想做番過洗手間特集, 可惜我唔係成日記得影...

來AEON先去咗入面藥房買TAX FREE, 我等個店長嘟晒機先SHOW個PASSPORT出來比佢, 原來TAX FREE要用第二個COUNTER, 佢又要由頭嘟, 好在買咗少許... 

跟住去咗DAISO諗住買啲糖同朱古力(得呢度有好特別的)做手信, 然後再買條行李帶諗住HOLD住啲行李, 不過太短最後無用到...話説我明明去TRAVEL個一行找行李帶, 點知睇來睇去都無, 咁我就走去問個應該係PT既師奶邊行有, 跟住佢幫我找咗一陣找唔到就去問另一個應該都係PT既阿伯, 但係阿伯直情話係咪無...最後師奶幫我問應該係FT好似係店長既男人, 佢聽到就只係行去後一行就見到我要既野...PT同FT既分別原來在此呀...!!!

買完野就去超市, 今日豪買 XD 

牛小腸同牛大腸(無買)

 

買完野我就懷著唔知會唔會行李過重既心情番酒店CHECKIN...今次呢間酒店無7樓...佢比咗4樓我....

 

...407!!! 

又係7, 好神奇 XDDD 唔通7字真係咁特別??! BTW睇下平面圖就可以知道呢間又係最近LIFT個間房...不過呢度我唔覺有住客咁滯, 可能為方便佢地會由近LIFT房開始比人住...點解話唔覺係因為我中午放行李個時佢完全無諗住找我名個啲, 瞬間就LOCATE到我個名...同埋係直情唔開燈咁滯~ 

今日訂間房係超大, 單人房但係有大梳化~ 

訂咁大間房其實同前幾日差無幾, 真係好令人高興 XD 

www.lakeland.co.jp

 

是日晚餐: 

 

我當然無食晒, 呢度係買埋聽日早同午餐的!!! 不過有啲買錯咗唔好食 XD

 

是日蛋糕A:

好好食!!

 

是日蛋糕B:

超好食!!! 

 

可惜唔可以買多幾件...唯有下一次 (係咁留餘地比自己去多次 XD)

 

 

BUT...

 

本來我訂咁大間房係為咗夜晚可以執行李, 咁第二朝就可以早少少出門口去遠啲睇野...但係我! 竟然!! 掛住睇電視!!! 然後仲瞓著咗!!! 原本聽朝可以去完多賀大社再去彦根城, 不過最後只係去咗其中一個...Orz 

 

(好明顯我心理上想留餘地比自己來多次... :P)