2016北九州山陽之旅Day1 (9.3.2016)

話説經過幾次都有屋企人一齊去既旅行(哥哥or全家)之後, 我就有點想試下一個人去旅行了...但係我又怕阿媽會唔比, 所以試下水溫, 我就力邀我舊同學陪我去旅行! 唔知點解佢又話ok喎, 我地N年無見的...而事實上我係到當天搭飛機先再見到佢, 真係好搞笑~ 

最佳旅伴其實係佢 :)

ANYWAY買到8AM既機去福岡, 即係要超早出門口! 好在有通宵巴士, 去到都係六點半。跟住係飛機上面聽下歌咁, 過埋海關都成2點了~ 

搭巴士去到博多JR站, 先換咗2個PASS再買啲野食, 就出發去廣島了。好耐無搭新幹線, 超快! 又靜~ 可惜係我買野食個陣佢找少錢咗比我搞到我無奈咗一陣子...

不過都好食...

到咗廣島先去酒店放低行李, 我地會係呢間酒店瞓3日。

www.courthotels.co.jp

放低行李個陣都四點幾, 咁無乜野做去咗廣島市中心行下街, 中途遇到好多著袴既男女生, 睇番日子應該係畢業典禮, 好可愛~ 

話説我朋友係重度OTAKU, 佢最想去既地方係ANIMATE, 咁我無乜野做當然跟住去哩, 連中間經過既JUMP SHOP我都去埋...BTW我一係唔去ANIMATE, 一去就去咗勁多間, 不過係後話)

www.shonenjump.com

www.animate.co.jp

行完去咗JR站其中一層全食肆層, 我朋友話想食拉麪咁就入咗其中間食, 味道...普通到我唔記得咗係咩味...我連舖頭名都唔記得...Orz

 

食完仲早, 我地就搭JR去附近個AEON MALL。其實廣島呢邊都有AEON, 但係呢間大好多的~ 不過呢個站係細站, 得一邊有人站崗, 去個陣個站員好明顯好少見到我地呢啲PASS人, 然後走個時要按鐘叫佢地開閘比我地...

ANYWAY係度準備咗呢幾日既飲料同買咗啲手信(第一日已買, 爆), 咁我地就番去瞓了

イオンモール広島府中公式ホームページ

我朋友話去日本旅行每日必飲喎

2015中部北陸之旅DAY5 (3.9.2015)

話咁快呢個家庭遊就到了最後一日, 今日要搭六點幾機, 所以只係得半日多少少行街。呢度早餐有WAFFLES, 勁開心, 雖然個味好普通...

尋晚執野既成果。無人信之前個晚會係N袋的...(自讚中)

今日本來諗過去千代保稲荷神社, 不過諗諗下個度都係啲舊區可能爸媽會悶, 結果轉咗去睇舊車...TOYOTA博物館。呢度儲齊晒唔同年份既汽車, 仲要係狀態極好, 雖然我唔係好識啲車都睇得好開心~

真係啱啱好, 好得 :P

太多靚車, 放一張算 

www.toyota.co.jp

跟住去咗Denny's食午飯, 呢啲完全滿足到爸媽既要求既家庭餐廳, 我做乜最後個日先識去... 

デニーズ長久手店 | 店舗情報 | デニーズ

食完午飯都差不多時間要向機場進發.......之前, 先去常滑市陶磁器会館附近參觀, 呢度好多貓陶瓷, 仲有隻超大既招財貓頭...不過又開始落雨, 結果無行晒去睇貓, 反而去咗附近超市做最後掃貨 XD

 

愛知県常滑市観光協会>見る>観光スポット一覧>陶磁器会館

去到機場還完車再食啲野, 咁就結束我地今次旅程了~ 汲取今次既失敗點, 我有信心下次去阿媽唔會再發脾氣的...!!!!!!!

晚餐。個樣好唔掂咁, 但係好好味的。

2015中部北陸之旅DAY4 (2.9.2015)

一朝就去食個早餐, 其實我呢個PLAN真係好抵, 後述。

今日天氣好番好多, 我地慢慢行下係隔離好近既景點s。

行下行下去到高山陣屋, 呢個而家來講即係我地香港既政府合署...

一早都唔係太多遊客, 而成個trip最令我忍笑忍得好辛苦既說話就出現咗係呢度...話説我行下行下去到應該係工人休息房既地方, 遇到一對應該係母女關係既香港人, 佢地見到呢間房之後個阿媽話, "嘩睇下呢間房幾大, 仲大個大埔中心啲屋!"...... well好明顯佢係有想買大埔中心既念頭但係又嫌緊貴買唔係個啲野 XD 佢去旅行都可以聯想到咁我諗佢真係好唔鐘意而家住個度 :P

(註: 無執相)

跟住走咗去睇2個呢度既朝市, 即係只係响朝早擺檔既市場。不過去到都無乜啱買既野, 唔係自製飛騨公仔就係生果個啲, 咁點買都買唔到咁多生果...

然後去咗食そば。無端端係食麪, 係因為我個PLAN包咗!! 除咗麪仲有一串牛肉同手製雪條食!!! 好開心 :D

 

食完晒就開車走人, 再入山去飛騨古川睇錦鯉。呢度特別在街上面有條好長既川, 入面養咗好多錦鯉......

 

不過最受爸媽歡迎既係LOCAL FARMER MARKET, 睇咗佢地幾耐...話說我地被要求影張相, 但係唔知點解到最後無POST到上FACEBOOK, 我表示理解不能...

www.hida-tourism.com

跟住我地又趕車, 今晚要落番去岐阜市市中心...然後我地又去咗SA, 呢個係日本標高最高既地方有既SA, 風景非常之好!! BTW又係唔知點解周圍都係人, 明明條路唔係人多...

ひるがの高原SA(サービスエリア)上り | サービスエリア・お買物 | 高速道路・高速情報はNEXCO 中日本

呢度除咗係SA, 仲有一個綜合設施, 但係好多都係休息日休息咗, SO SAD...

話説哥哥話想買咖啡飲, 走咗入去其中一間有手信賣既CAFE買咖啡。咁我幫佢買完, 個店員竟然比咗一人一塊餅比我地食。我同阿媽食完發現係超好食, 咁我就陪阿媽入去諗住買啲番屋企食, 然後我發然一盒800YEN得8塊左右, 即係我地買咗一杯咖啡佢就比咗200YEN左右既餅我地...當然佢呢個策略非常成功, 因為我同阿媽結果買咗好多野 XD

クックラひるがの 公式 kukkula Hirugano Official

係SA個邊食咗少少野就繼續行程。BTW其實SA啲野食都OK的~

之後係去郡上八幡, 呢度出名係整食物SAMPLE, 不過因為路窄同埋好似同朝早2個景點差唔多樣, 行咗郡上八幡旧庁舎記念館就閃了...BTW呢度泊車係要比錢的...好在停唔夠半個鐘免費 :P

繼續南下去咗関市既サンサンシティマーゴ。去呢度主要係要滿足阿爸夾公仔既要求,而佢都不負眾望夾到一個FIGURE番來(不要問用了多少錢)...去埋100YEN店, 本來諗住入去食野, 但係佢地又話唔想係入面食, 咁就唯有番酒店。

話番酒店都要啲時間, 因為係去另一個市。去到我地真係好苦痛, 因為佢停車場係地下停車場要架車自己搭LIFT, 咁即係話我地要將我地買咗而又未執既野自己拎上房...然後唔知點解未買完要去埋呢度間ドン・キホーテ...最後係酒店隔離間燒肉店食燒肉就算咗...雖然係隨意入去但係都OK好食的哩~

www.donki.com

retty.me

 

www.choice-hotels.jp

 

話説呢間係商務旅館, 啲人想係度休息, 而阿媽對住買啲野好愁, 因為要執好佢...我費事係條走廊行得太多次(雖然已經係尾房, 都唔係嘈到人), 咁我就話等我來, 然後除咗爸媽個行李箱, 用咗個鐘頭多執到之前十幾袋變番2個行李箱+IKEA大袋+一個紙袋, 我覺得自己真係好勁 XD

2015中部北陸之旅DAY3 (1.9.2015)

食完早餐就出發去好近既高岡大佛, 呢個聽聞係日本三大佛中最靚仔個一位(有個路過既阿婆搭訕話我知...)..雖然好近但係都係費事爸媽行, 不過個停車場真係好難找到路去...

可惜係今天陰天有雨, 我影唔到大佛最靚仔個MOMENT...

附近啲花

背光...

www.takaokadaibutsu.xyz

睇完就去咗しまむら大量入貨, 唔好講笑睇得好開心, 不過要啲男人等又慘咗啲...所以都係下次再買...買完就要食野, 今次我準備咗間迴轉壽司店, 唔好睇少呢一邊既迴轉壽司店, 全部都勁新鮮勁好食, 真係好掂! 呢間係比較近郊舖頭, 但係我地都要等咗一陣位, 不過等得有價值~

掂!

掂掂!!

掂掂掂!!!

www.sushikuine.co.jp

食完又要南下, 今晚係瞓高山市...無車真係唔知點算 :P 途中經過間藥店, 又係比阿媽購物時間...

simeno.co.jp

 

跟住繼續駕車, 途中去咗中途站洗手間仲比我地見到彩虹!! 

 

 

可惜係今日個天氣真係好差, 結果都係係間房休息就算。今晚係瞓舊式溫泉旅館, 四人房最平個隻 XD 諗住比阿媽試下瞓TATAMI, 但係佢原來唔鐘意...早啲講呀嘛...呢個PLAN係連早晚餐, 但係因為係平PLAN既關係, 無乜餸食 :P 食完要去附近超市加餸, 佢就收工都有平野~ 之後去浸下溫泉就瞓了(好似都係得我去..)

其實好抵, 如果浸溫泉的話...

www.hoshokaku.co.jp

 

 

2015中部北陸之旅DAY2 (31.8.2015)

一朝先去浸個溫泉, 然後再食早餐。BTW全家得我一個去浸...話説我揀呢間位置好微妙既酒店, 主要係睇到有人話佢地早餐好好食, 咁因為同阿爸阿媽去旅行最好係連早餐既房, 咁就揀咗呢間...好掂唔好講笑, 啲早餐真係好得...有機會都想再食多次~

全部都好食個下勁

www.riverge.com

跟住就出發去附近批發市場, 佢地個度有一個位係公眾開放, 唔知係咪時間唔係好啱, 無乜人 XD

去咗買咗個桃食, 個阿姐同我講話早輪有堆香港人又係來買桃食, 話唔明點解我地咁鐘意食桃(個陣已經唔係當季食物)。我話係呀香港人好鐘意食日本桃, 心裡面諗, 阿姐你食慣日本桃你係唔會明白我地既心情架喇.....

ANYWAY呢個桃係成程裡面最好食既桃(之後佢地得閒就買個來食), 果然係批發市場, 價錢差不多味道好好多~  

www.fukui-market.jp

食完我地就離開福井縣去石川縣了。去既景點係兼六園...唔, 如果其他季節來可能會靚啲...

文化財指定庭園 特別名勝 兼六園

 

 

跟住就去附近景點近江町市場食午飯。

 

 

ohmicho-ichiba.com

我呢度犯咗錯誤, 就係唔記得呢度係景點會有好多人食飯, 仲有無揀定去邊間食...結果求其揀咗間等, 然後有枱佢唔比我地叫我地坐BAR枱, 跟住阿媽就發我脾四, 話我做乜唔叫佢比張枱我地坐...頂我鬼知個班人啱啱食完咩, 唔鐘意BAR枱咪同佢講, 做乜要話我...ANYWAY佢意思係我係主辦者所以乜都應該搞得好, 連坐住BAR枱先呢樣野都唔應該發生...我跟住發番佢脾四, 間舖頭做錯野關我差事做乜要話我先得架, 佢地叫咗我地入去先話要坐BAR枱咁唔通企係度咩...

 

ANYWAY食得唔高興之餘, 我覺得比起其他地方既海鮮丼都唔算太好食, 仲要唔平, 我諗下次有機會去金澤都唔好去景點食野了 XD

 

無想像中咁好吃

www.kaisen-hirai.com

 

 

食完唔開心飯我地繼續北上, 因為今晚目的地係高岡市。本來有時間的話諗住行一下新開不久既三井アウトレットパーク北陸小矢部, 不過因為阿媽發脾四同埋食飯食耐咗所以放棄。唔去OUTLET都要去下買野, 咁就去咗間極大間既100YEN SHOP比阿媽買野, 而佢終於因有野買而心情好番啲, 真係好彩...

無入去但係途中有經過

www.seria-group.com

跟住就去咗酒店。今晚係瞓ホテルニューオータニ高岡, 好在我有揀呢間, 因為爸爸約既朋友就係住係高岡市, 點都要找間個樣OK既酒店...雖然我地已經買到一袋二袋同間酒店完全唔襯...

ホテルニューオータニ高岡

放低阿爸我地就出發去AEON MALL高岡(之前先去しまむら打個轉), WELL係呢啲鄉下地方AEON真係一切...如果唔係擔心阿爸食完飯得一個人悶我想坐到收舖 :P

價錢貴大家樂小小, 質素高大家樂多多

成個TRIP都想食西瓜, 但係太貴最後無食到...下次...!

takaoka-aeonmall.com

係AEON買咗桃食, 不過都係朝早個個好食啲