2017關西北陸之旅Day3 (06.04.2017)

一朝就見到洪金寶...

原來佢有新戲...

 

是日早餐:

啲咖哩辣得來幾好食...

 

今日係收塑膠

香港綠化活動應該參考下日本...

 

先去到明石, 呢度有個明石城:

呢度係食明石燒同埋有條賣魚街, 但係我對食唔太有興趣, 所以轉場...

到此一遊照。其實我想去加古川多一點...

 

轉場去岡山, 一出JR站就見到有架車係特別車去後楽園, 即坐~ 

JR PASS有八折, 記得拎出來。話説我比咗個PASS之後個小姐問我係咪一個人。WELL如果我超過一個人我就拎多幾個PASS出來吧, 都唔知應唔應佢好 :P

 

呢個後楽園係日本三大庭園之一, 行埋呢度我仲差偕楽園未行...但聽聞偕楽園係大到無朋友的, 而我行後楽園已經行到嘔白泡...

 

這個洗手間真係好正, 佢分咗男女, 而男洗手間其實係完全露天咁滯:

試想像有人去洗手間既情況...

鴨仔屁屁

好大條

 

除咗有好多人賞花, 仲有好多準新人影相, 唔知咁樣影要幾錢呢?

背景是香港人 XD

背景是岡山城。本來想去, 但係行完後楽園同後面旭川之後對腳投降, 唯有下一次...

影相團隊。後面個幾位應該係屋企人? 其實都唔會影到佢地, 都唔知點解要跟住行...

重點在左中間。

呢度啲鴿真開心...(職業病)

張相影出來應該好有意境

後楽園最著名個位置, 但係張相我影得奇差 XD

okayama-korakuen.jp

 

行完後楽園去咗後面條旭川, 呢度成條川邊都係櫻花:

難得在岡山會天氣不好~

其實好靚, 但係條川勁長, 仲要行到尾先有橋番轉頭...我望向在高處的岡山城長嘆一聲...我都係下次再來吧...

www.rurubu.com

附近幼稚園都有咁靚...

 

番去JR岡山站附近, 就入咗去AEON MALL睇下有無哥哥想買既野...好可惜無...行多一陣決定番姫路個邊行商場(主要係因為個邊有我想睇既舖頭)...

¥300好抵(無買)

其實真係好好行, 不過行晒下次無心機再行, 留番先 :P

aeonmall-okayama.com

轉場去咗姫路, 先去買野食:

主要係因為尋日本來買後尾無買, 點知一開電視就見到呢個廣告暗示叫我買...好甜

 

去到呢度先去¥100SHOP買咗鞋墊同較剪, 另外買咗止痛藥。每次去旅行我都無汲取教訓, 就係我會係咁行路行到腳痛, 呢啲野第1日應該要準備...ANYWAY因為要等阿媽指示買野, 我竟然係同一間舖頭企咗3個鐘, 真係浪費咗好多時間...不過算啦都幾開心 :) BTW見到有一班著住羽絨既人, 一看就知不是日本人 XDD

本來諗住去須磨浦山上遊園睇風景, 不過見好似太晏, 加上其實搭上山既纜車s都¥1800仲要係恐怖的(可看官網那個カーレーター仲有観光リフト就知), 最後都係放棄...如果無買咁耐野可能去既~ 又留番下次 :P

www.sumaura-yuen.jp

 

但係又無理由咁早番酒店, 咁於是我就出發去原本唔諗住去既大阪幫哥哥買野! 間舖頭係大阪JR站有專門店, 應該有貨了吧...

中途在西明石站見到一對懷疑係父子的走入新幹線, 個細路坐係我前前面, 然後個大人問我前面個香港人會去到邊, 個香港人就SORRY I DUN UNDERSTAND。跟住個大人再問細路走廊右邊個男人去邊, 但係又得唔到佢想要既答覆。個大人之後出咗新幹線一陣再番去同細路講"先去到名古屋"云云, 然後佢就出番火車。原來個大人唔係同個細路一齊搭車!!! 跟住當架火車開既時候, 我就見到個大人係出面猛咁揮手, 同埋聽到前面不斷有索眼淚鼻涕既聲音 T_T 隔咗一陣就有個列車職員走過來同個細路CONFIRM佢係去名古屋話叫佢唔使擔心咁...好抽心哩...

不過我是在新大阪落車的, 完全無辦法直擊佢會點哩SO SAD...

係新大阪要轉車去大阪, 果然係大阪, 周圍都係人(同係放工時間都有點關係):

我放棄大阪果然是對的 :D

 

去到專門店, 呢間個SALES勁高又勁NICE, 原來哥哥想買個款已經斷貨, 然後介紹個新MODEL比我話差不多樣(價錢當然高了)。跟住我出舖頭打電話問哥哥要唔要, 佢見我講完仲會行番過來問我結論~ 幫我搞免稅係店長, 佢講句英文突然KICK住咗, 咁我話日文都OK, 佢就問我香港人係咪英文好叻, 我完全係即答無啲咁既事 XDD 

然後果然係貴野, 雖然我只係買件係LINEUP入面算平既貨品, 但係買完個店長係都會幫你提貨到門口(雖然只係幾步路)仲同你鞠躬, 真係好唔好意思(因為唔係我買)...

其實唔算貴, 但係我自己就唔會買哩(因為我好容易破壞物件)

www.yoshidakaban.com

櫻花真係淺色了點...

 

買完野就係諗住附近食野, WELL真係好苦痛......要諗食乜......我完全明白我會選擇去超市的原因(BTW尋日有諗過去やよい軒, 點知去到只係見到一堆堆收工好累既男人係度食飯, 我最後放棄咗, 唔好阻住佢地食飯 XD)

最後揀咗間有肉有烏冬的吃, OK好食, 係啲肉咸咗少少

www.yodobashi-umeda.com

跟住又番神戸了~ 

行行下發現一個自助售賣機, 一罐熱飲竟然只係賣¥50!!! 點解可以咁平? 

買咗 XD

 

睇番, 原來我完全KEEP到1日至少2景點呢個目標, 仲同時可以買野, 我覺得自己好勁 XDDD

2017關西北陸之旅Day2 (05.04.2017)

 

 

CHECKIN既時候佢叫我揀幾點食早餐, 我揀咗7點。而家諗番起我應該揀6點, 早啲食完早啲出發多啲OPTION...

個包唔記得整番熱佢...

 

點解我會咁講, 係因為我去到JR站既時候仲未決定到去邊 XD 研究咗一陣決定先搭車去姫路再諗下一步。

好開心啲鴿...

傳聞中的檸檬牛奶....買咗, 好微妙既味道...

 

去到姫路行到市中心就見到姫路城, 同埋一大堆遊客...諗諗下決定繼續搭火車 :)

中間個個就係姫路城。

 

咁我就出發去津山, 但係我有點擔心個PASS搭唔到呢程車, 於是我就做誠實的乘客問查票員。佢就叫我比¥900...T_T

不過好在有問佢, 去到佐用轉車時間得幾分鐘, 問得個站長我可能趕唔切轉車...

 

轉車轉得一卡既LOCAL車, 但係可能係花季, 人多到哭泣...

得一卡嚇死人

企足全程...差不多一個鐘

無辦法邊個叫你去鄉下...

 

其實景點真係得背景個2個...

 

難得到達呢個山卡啦地方, 咁有得去既景點梗係要去晒啦(意譯: 去一次就夠了)~ 咁就先去附近個鐵道館.......我頂, 明明地圖睇佢係响火車站附近, 點知要行成十幾分鐘先去到, 真係想殺人...

JR站入面有COUPON, 記得攞, 慳番啲都好

好似話係全日本現存扇型車庫又仲要係用緊的喎

話説係個SHOWROOM個度個阿伯STAFF唔知做乜係咁同我介紹, 又迫我睇舊片, 然後又話個Diorama用咗二千萬來整(註:¥), 咁無理由唔睇既.....但係又要等我十分鐘...ANYWAY入咗去睇...係幾靚喎...

我想知唔係4月, 津山城個位會唔會拆咗啲櫻花佢??? 

www.tsuyamakan.jp

跟住我行下行下, 終於又比我去到下一個景點:

MISTAKE完全係MISTAKE, 我應該去COUNTER買飛唔係响部機都按, 無咗張紙做記念 :(

好搞笑既休息地方

都係唔明啲日本人做乜特登咁遠來花見

呢度都要到此一遊

這是不是人行的石梯, 而且不只一條...有部份我放棄了

午餐...我應該買佢個炒烏冬吃的唉...但我估不到之後找不到東西吃嘛...Orz

滿開應該很壯觀

也是不是人行的樓梯, 我聽到有個細路話呢度可能係佢葬身之地 XDD

象徵式的圍欄...

腳痛無上去

唔知咩花

唔知啲阿婆睇住我影熊仔個下有咩感想 :P

sakuramatsuri.e-tsuyama.com

 

行番去JR站, 見到啲好誇張既水仙:

唔知係咩品種呢?

其實有諗過係度食啲野, 但係完全無舖頭比我入去食野, 我又唔想食便利店啲野, 結果放棄...

搭車番岡山, 個度又個半鐘, 諗諗下不如去姫路城, 就係岡山站買咗個火車便當食住少少先

味道唔錯, 但係我應該買牛...

 

去到姫路, 又係行路...一條直路見到無理由唔行的吧...

每日都見到呢啲攤位, 反而令我無買既衝動...

好似ENCOUNT咁 :P

係我係無上姫路城, 係樓下花園睇下都好嘛~

突然好有詩意

www.city.himeji.lg.jp

話説我夜晚來這裡其中一個原因, 係因為佢個夜桜会:

不過我部電話都係影唔到夜晚 T_T

castle-himeji.com

去完就番神戸, 先幫哥哥買野, 但係賣晒買唔到, 個店員仲要唔係太好禮貌, 哼...

 

跟住去間超市, 呢間超市真係好掂, 我買咗之後3日既水源同埋備用糧食(結果成為正餐)...呀今日終於用到個微波爐, 叮番我買個雞肉便當, 剩番啲未食晒 :)

www.lifecorp.jp

2017關西北陸之旅Day1 (04.04.2017)

雖然話JETSTAR落機係2點好似有排挨咁, 但係其實凌晨個機場唔會預太多人做入境手續, 等埋行李差不多都3點...而買火車PASS個度5點半開門, 所以都係等2個幾鐘, 時間好快過~

好大隻PIKACHU~

1個人旅行梗會有驚險情況, 話説我買咗張電話咭聲稱可以一插即用, 但係我插咗之後佢係唔比反應我, 而我之前無見過有人話用呢張咭有問題...好在機場有FREE WIFI, GOOGLE咗一陣終於比我見到有人話佢插咗咭要幾個鐘後先有反應。既然係咁我就諗住賭佢一日, 如果第二日都唔得就沖去找SIM CARD買(雖然唔知係邊買)...於是我就做番N年前啲人去旅行的正確方法: 寫定行程係張紙度...BTW真係多得呢個機場既WIFI, I LOVE KANSAI AIRPORT XD

関西国際空港 オフィシャルサイト

JR賣PASS要5點半先開始有得買, 本來我都諗住等多陣, 點知呢個時候有對強國人夫婦當我一定知佢地UP乜咁問我賣PASS係邊度...諗諗下我都係行去排隊...清晨既機場異常地凍, 但係已經排咗十幾個人...下次都係要早啲排隊...

真係早啲唔駛煩...

買完PASS就番入去機場, 因為我第一日諗住搭快速船去神戸再用神戸1DAY PASS一日遊~

搭船其實好抵, 遊客一程只係¥1000, 計埋前後接駁巴士時間唔駛一個鐘已經到神戸空港~ 中途又唔使同啲上班族迫車, 仲有海景睇添(雖然我瞓咗)~ 如果好似我咁係PASS日數+1日咁去旅行可以考慮下搭船哩~ 

好抵~

條船好定又好快~ 

神戸-関空ベイ・シャトル | 海上アクセス

 

(因為無NETWORK淆底中所以無認真係度睇到呢度...NEXT TIME)

來到神戸空港去神戸市區要搭無人駕駛既ポートライナー, 係呢個時候我買咗呢個PASS:

ktbsp.jp

呢個PASS比你1日內任搭神戸市區既地下鐵, 私鐵仲有頭先所講既ポートライナー, 都只係¥950, 仲要送¥700既點數劵比我地去啲觀光點用, 真係抵到爛~ 我神戸最出名個幾個景點都無去到, 如果下次去我應該都係用番呢張PASS去埋佢 :) 

成架車得我一個~ (去到中途先有人上車)

無人駕駛~

 

先去酒店放低行李, 見仲係好早就去中央市場個邊找野食(仍然在淆底中):

味道都唔錯, 最緊要呢度唔知點解有WIFI

retty.me

我都唔明, 1/F就1/F, 2/F就2/F, 你係樓梯中間整個2/1即係點...

 

跟住見順路就去咗睇鐵人28號:

我好想知住係度啲人對呢舊野有乜感想...

KOBE鉄人PROJECT(神戸鉄人プロジェクト)鉄人28号&横山光輝三国志

呢度其實係個公園, 比我發現咗棵疑似櫻花樹既物體..

第一棵~

唔知係咪呢度空曠, 呢棵花開晒咁滯~

行完比我發現呢度有我想去既舖頭, 就瘋狂購物咗一陣, 後尾發現原來我MARK漏咗呢度~

去埋¥100SHOP同埋超市之後再度出發, 今次要去遠啲既動物園~ 遠啲係因為PASS包唔到去動物園既全程, 我要來回比多¥270, 不過都係值得去~ BTW見到好多學生, 有啲仲好可愛, 不過唔可以偷拍, 全部只好記在心(應該好快唔記得)

 

呢個動物園真係好開心, 入場費只係¥600(註:可用PASS點數劵), 就有熊貓有樹熊有企鵝有大象有長頸鹿有袋鼠有班馬, 仲有櫻花睇, 又有遊樂園(機動遊戲另外買飛), 真係抵到爛, 所以人亦多, 但係啲細路真係好乖, 完全感受唔到係香港感受到個種感覺~ 

 

好近

但係鴨仔唔知點解要圍住

 

 

未開晒都已經好靚

主角~

佢背住我地食緊竹

同時間我理解唔到日本人花見文化...由第一日開始到完到係

呢個係以前神戸外國HUNTER既住屋, 係4月先會開放~

無位攝入去食野...

背光無辦法

屁屁

啲細路勁開心, 而且又識排隊, 好可愛

無睇幾錢

如果唔係1個人我想坐

我第一次見大象小便...

到此一遊照

www.kobe-ojizoo.jp

係動物園中途發現終於有NETWORK, 個下真係好開心, 我其實最驚要浪費時間去買咭, 因為唔係度度有...其實張咭真係好駛好用, 又唔係貴, 不過就唔可以由朝早開始咁用, 咁可能下次我唔會去8日, 7日以下其實呢張咭殺晒~

去完動物園就番去酒店CHECKIN, 呢間酒店會住3日, 連早餐用埋點數唔駛¥4000一晚, 非常抵!!! 不過我唔記得自己行路會腳痛, 第2同第3日晚簡直係殺死我...

呢間有微波爐令我有點感動, 我已經諗住下次去旅行找番呢間連鎖酒店, 原因係有微波爐~

今次住707室, 同埋超近搭LIFT, 好方便。只係無諗過之後KEEP住都係同7字有關, 仲有又係近LIFT房, 好神奇 XD

www.hotel-livemax.com

 

係酒店HEA咗一陣之後再出發去行街, 本來諗住去生田神社呢啲景點, 但係最後都係放棄走咗去買野 XD 買到腳痛又費事諗, 就去咗超市買野食番去酒店食算~ 只係基本上我餐餐都係咁 XDDD

每次見到都會買, 童年回憶(!?)

今晚晚餐, 太多食唔晒...

好難飲...

 

2017關西北陸之旅Day0 (03.04.2017)

經過咗咁多年得個講字, 我終於踏上1個人去旅行呢個階段了!!! 可以講呢個係一去無回頭既決定! 我想幾時去邊又得, 臨時轉行程又得, 留係一間舖頭個幾鐘又得, 酒店開燈開天光又得, 電視長開又得, 瞓到凌晨突然去沖涼又得, 朝早六點鐘係度執行李又得(只限酒店房), 雖然會有少許不便, 例如唔知食乜好(呢個可能得我先有), 會突然想自言自語(呢個可能都係得我先有), 如果無隨機應變力可能會危險(好在係最終日發現我有, 後述), ANYWAY好處大過壞處N倍!!! 有時同人去旅行都好, 不過一個人去旅行都唔錯哩~

DAY0係因為我今次搭JETSTAR, 9點幾機去到兩點幾! 我諗過要玩盡佢係要搭呢架, 反正我夜晚都好早番酒店~ 返香港都係搭JETSTAR, 不過下次可能揀PEACH或者HKEXPRESS, 佢地有晚機, 唔駛我中午就要返機場 :)

又借哥哥行李箱用, 條行李帶搞咗我十五分鐘...

 

好格格不入...

 

話説哥哥朋友都係今晚搭飛機, 係我等緊唐記包點個陣比其中一個發現我, 就同佢傾咗一陣...(BTW我影咗哥哥朋友相SEND比哥哥, 隔咗2日個GOOGLE PHOTO幫我整咗個MOVIE, 用呢張相做第一張SLIDE...瞬間DELETE!)

 

話時話機場啲野全部都貴咗2倍, 唯有唐記係良心食肆, 真係估佢唔到...下次我都會買你的 :) 

循例一影。

 

 

就係咁, 我就踏上我第一次1人旅既第一步了, 估唔到第一個驚嚇就係DAY1發生...

2016北九州山陽之旅Day8 (16.3.2016)

FINAL DAY! 

一朝狂執野, 我都唔明我買咁多咖哩做乜...

今日要番去福岡搭飛機, 無乜時間, 就去咗熊本城....附近參觀, 因為朋友話個個城都差唔多唔入...咁就去咗加藤神社參拜哩~ 而原來呢度有個影熊本城既靚位... 可惜之後地震...

www.kato-jinja.or.jp

行番城附近見到有個唔知乜鬼復元櫓期間限定免費公開中, 咁完全係叫我地入去睇...WELL我剩係知道以前啲人生活好辛苦, 條樓梯細得佢...行距又大勁危險...都唔知佢地點生存...

跟住去咗城彩苑個邊本來話食野, 但係我朋友又無邊間睇得啱, 咁啱又有武將表演, 就坐係度睇咗。不能不說他們真的非常有型, 雖然啲舞步有點簡單 :P 而且佢地超多FANS 

1592.jp

跟住都驚趕唔切車, 就諗住番去博多。下次真係唔好買咁鬼死多野...雖然應該又係會買多咗...

去到博多就搭車去機場。費事煩就去咗間舖頭食滑蛋雞飯。WELL我真係成日叫咗先醒起自己唔鐘意食滑蛋(意譯: 好難食)。

跟住又係循例買免稅手信時間(究竟諗住買幾多野), 然後就完結本次旅程了~ 下次我要一個人去...!!!!! :P