読者です 読者をやめる 読者になる 読者になる

最理想父母。

今日聽收音機(商業一台), 新聞講了一個調查的結果。好似係訪問了千多名中學生問他們理想父母是怎樣的。結果有五成受訪中學生希望父母節儉、樂觀及仁慈。個原因竟然係...節儉的話父母就可以俾多D零用錢佢地, 而樂觀同仁慈的父母就唔會佢地, 而通常吵架的原因係學業成績, 打機、去街同零用錢問題。掂呀, 我地新一代的青少年!!!

父母節儉的話, 可唔可以節儉在D仔女度, 俾少D零用錢咪可以節儉不少哩~ 想當年我小學係完全無零用錢的, 而由F.1至F.5我的零用錢都只係得一百元/月(咁唔計搭車吃飯的, 因為我帶飯的。), 一分鐘一仙都無, 我應該去殘酷一叮哩個陣(不過無哩個時~)。但係個POINT係我無因為零用錢少而同父母吵架OR感到唔開心哩, 做細路使唔使用咁多錢哩...同埋就算父母節儉都唔應該係用來俾細路洗的, 為了細路而洗就OK, D青少年咁鬼自我中心的, 世界唔係圍住你地一個人轉架, 而世界唔係只係你同你父母朋友同物質的, 而父母係無理由要無條件俾錢你地去買埋D唔等使/貴又無用的東西的。俾的話都無所謂, 但係乜都無做過就伸手攞錢的青少年最過份, 你乜都唔使做就有錢使, 咁你父母又係咪有人唔使佢地做野就俾錢佢地哩? 無理由無理由。

仲有哩, 樂觀絕對唔會令到一個做父母的人唔閙人的, 你地看得太膚淺了!!! 樂觀的人會因為希望個仔女將來做好D而閙人的, 而且閙的時候通常唔會在正常狀態, 因為在發怒哩, 最多會係閙完之後好樂觀咁諗個仔女唔會嬲吧...仁慈? 係都唔會對仔女啦, 要為他們未來著想的嘛!!

青年人呀, 在只係想到自己的同時, 想一想對方的立場和做事的原因吧!! 只有這樣做才能理解其他人的呀--唔好話對方無做所以自己唔使做, 人地唔做乜野同你做唔做乜野係無關係的, 最重要係自己究竟想唔想做。理解了人地的立場亦都唔係代表你就要跟個個人的想法, 係應該融合自己的想法來得出最佳的答案哩。即使個答案唔一定對所有人好, 但係只少係用過時間諗過的答案哩~ 用在好多方面都好有用的哩, 這個THEORY~

哈, 我老了, 竟然係度教訓D細我幾年的人了, 哈哈, 好在應該無個年代的人看我的日記, 唔, 應該~

新聞內容 : Yahoo! 新聞 - 調查指青少年自我中心過強