做人要勇敢D。

今日無做POWERPOINT的原因係因為我走了去看「CSI : NY」, 哈哈。今次佢地在某海岸附近找到一個BRIEFCASE, 打開就發現有個人縮了入去死咗。WELL, 我一見到佢地要將個人變番做人樣的時候(即係幫佢做MASSAGE...), 都知道呢個人一定係馬戲團個D特技人的了, 阿媽就話乜鬼變態佬搞成佢咁...個法醫@CSI:NY的真係好鬼正, 做D咁既野都無乜反應個下好掂。ANYWAY, 唔講唔知, 原來馬戲團都會有分黨派的, 分了空中飛人派同縮骨人派, 又有乜野血統, 正宗唔正宗的問題, 唔, 唔使咁玩呀嘛...查了大半天, 個男仔係自殺的...同空中飛人的女兒相戀, 但係又被父親們反對, 加上又被禁閉係呢個看似歡樂的帳蓬入面, 一時諗唔開就走去自殺...不過佢死都死得縮骨過人, 係得佢先可以咁樣死的。而個女本來都諗住係表演的時候失手而死的(無安全網係地下), 但係在最後關頭突然諗起自己係唔可以咁隨意放棄生命的...唔, 現代ROMEO & JUILET哩, SO SAD。係大家唔知的世界有好多野都發生緊哩。不過世界有幾大都係自己話事的, 唔..都係唔講咁哲學了。

另外一TEAM人就去了一間APARTMENT度, 因為有人發現屋企的天花板浸血...上到去只係見到一大攤血, 但係條屍就唔見了*1。案發現場係五樓, 無理由可以搬條屍而無人發現的, SO...呢個時候發現了個垃圾槽*2塞咗...個下有D恐怖, 用TOUCH照右邊明明無野, 一轉頭就見到個女人大大對眼望住你...ANYWAY, 死的人唔係屋主, 係屋主個朋友, 因為佢俾有暴力傾血的前夫騷擾所以來了呢度住。結果係, 因為個女的唔敢出街, SO係咁用送貨服務, 次次都係同一個人, 個個男仔以為係個女的要求咁樣做同埋係想誘惑佢, 好明顯唔係, 所以當個女的推開佢的時候老羞成怒, 插了女的一刀。本來呢個時候佢係應該送佢去醫院, 點知前夫剛剛到來企係門口足足十五分鐘, 個男仔就唔夠膽出去, 結果望住個女的流血流足七分鐘而死...sigh...

好明顯大家做野都要主動D, 勇敢D先得嘛, 咁樣的話呢兩單案都唔會發生哩...唉...

*1:因為人流超過500ml的血都已經會暈, 咁大攤好明顯那個人已經無得救了。

*2:外國勁好, 你有乜野垃圾, 就咁行出去門口到走廊尾就會有度門俾你放D垃圾入去, 自動去到一樓。