人生目標。

WELL, 上個星期五高考放榜*1入, 有人高興有人愁, 想當年我都係一份子哩, 愁個批...除了為個成績愁之外, 仲要為轉揀科的位置而愁。要知道香港的大學入學制度非常好笑, 係靠你的運氣來決定你的命運的(當然, 成績好者不在此列。)*2。如果係分開間間考咁你話幾好哩, 既可測一下自己的實力, 又可以量力以為, 更一定可以讀到自己的興趣科目, 唔似得而家咁要靠高分的人唔要個位先有(講差的人好似我), 入了科目又唔一定有能力讀到, 最慘就係入了一科根本唔想讀的科目。不過香港咁細, 間間考實在是一個很浪費資源的事哩...所以最好的做法就是努力讀書吧,但係當然唔係個個都可以做得到的吧。
呢個時候揀個二十五個位變得非常重要。唔可以話亂咁揀, 因為全香港N咁多個COURSE你只係可以揀二十五個, 點揀? 首先當然係要知道自己想讀D乜, 係想讀商科, 文科定係工程? 專科的話有無能力做得好? 之後要知道唔同大學的課程有什麼特色, 雖然話三大*3個名一定好, 但係其實有D課程其他U的比它們更好。資訊日會係一個令你對所有課程有更加多認識的好辦法, 因為你會見到真係讀緊呢一科的師兄師姐, 他們的説話一定有用過很多數據。最後真係揀科了, 唔好太過高估自己, 又唔好咁看小自己。其實相信大家都對自己的成績心裡有數的了, 揀要求高得滯的只是自尋死路, 揀勁多HD同ASS咁不如唔好揀。應該就係揀了一D自己應該入得到的, 再加一些當有意外驚喜的時候有用的, 然後是低自己想像的成績一級的, 最後先到文憑副學士個D, 咁樣就萬無一失了。當然二十五個位係唔會夠用的, 所以一定要知道自己想讀, 想做D乜。也可以説是為了自己的人生作一個頗重要的決定。放榜之後, 可以做的就是根據自己的成績作出調整。考得比預期好, 放一個高要求的科目上去。差了, 放一個低一點的。無論最後結果什麼樣, 相信都會心中無愧的吧。因為這是你自己決定的人生。
咁感慨, 係因為某一個我認識的人也是今年放榜, 但是他選擇的二十五個位令我真係無話可説...這是你的人生, 如果大學無什麼想做的話, 不如放棄你的學位給其他想讀的人吧, 去尋找其他想做的事, 不是一定要讀大學才可以過人生的。唉!

*1:高級程度考試, 香港的公開試, 通常要考呢個試先可以入到大學...

*2:JUPAS是一個很混蛋的制度, 係一個很有階級觀念的升學SYSTEM, 唉!

*3:香港大學, 中文大學, 科技大學