站在立法會下。

今日講真, 我太耐無寫日記, 唔記得...不過講工作方面, 除了一直要做的事之外, 值得一提的就是我用了一粒鐘來回了中環, 老細對我真係好, 知道我無乜時間看本「HARRY POTTER 6」, 特登俾D時間我去看, GREAT!!!

當我係度對住D古董對到悶晒之際, 老細一路影印一路同我講:「EMILY, 一陣幫我去中...放低D野...」(影印機在我面前), 咁我當然話"哦"哩, 無乜理由唔去的嘛。但係叫完我之後N年都無俾野我, 搞到我仲同後面的TIFFANY研究究竟佢要我去中銀放低D乜野。點知原來佢係叫我去中環!!!?!! (扮金田一先~) 哈哈, 嚇得我問多兩次佢要我去邊。不過基於上次佢都叫過我去金鐘, 所以都無乜問題, 仲可以坐下MTR, 幾好, 我仲係佢面前講了兩次「實在太好了。」, 找死哩~

於是十一點左右我就帶住本「哈利」浩浩蕩蕩咁出發了(當然份野都係度), 去到MTR, 醒起我仲有兩張來回免費飛用得, 當然我係唔會客氣地用了, 等佢唔使過期, 多謝老細俾機會我用呢兩張野, 好野好野~ 去的時候無得坐, 拿住本字典來看都咪話唔辛苦。去到勁唔開心, 因為原來搭荃灣線MTR的話, 一出就係我要出的出口, 蝕! 出到去, 右邊係立法會, 左邊就係我要去的地方, 太快了...中環大廈的LIFTs真係唔同D, 勁快, 蝕蝕...唔夠五分鐘, 我係中環的任務就完成了, 蝕蝕蝕...咁無理由唔番去的, 哈~

回程就好輕鬆地坐係度看書, 讀書報告等我在星期六的日記先打好了~ 來回唔使錢, 但係我一定會遵循ALICE的教誨, 叫老細CLAIM番26蚊俾我的~ 番到去十二點過少少, 諗落唔對路, 特登走去排商場的洗手間來HOLD一點兒時間, 但係HOLD都唔係HOLD太耐, 一個小時多少少就完成我跑腿之旅。其實我應該係樓下看多半小時書, 搭九番上去, 一點就有飯食, 你話幾好哩...蝕蝕蝕蝕!!!

好明顯我寫一個TASK寫得咁詳細係因為我無野好寫, 亦即係話今日連金句都沒有...唉, 仲唔係有好多日子可以記低大佬的至理名言了, 我咁都記唔到, 原諒我呀大佬...orz