別了依然相信...

今日係IRENE的LAST DAY。估唔到我一語成懺, 真係出現了一個比我遲來, 又早過我走的同事哩...雖然入得來都估到的了, 不過未親眼見都唔敢相信哩*1。咁就做了廿日同事哩, 但係感情我相信都好深厚哩, 因為我地都有同一個大佬!!! 正所謂「一日大佬,終身大佬」, 唔, 我都唔知自己想講乜...

老細已經係第二日早番到哩, 看佢可以維持幾耐~ 工作都係好唔知點咁過了, 無乜點。飛~ 六點後老細同IRENE講了幾句野, 雖然廢, 但係都好過無*2...唔知我走的時候佢又會同我講乜野呢? 「唔等埋隻獅子?」(明的人會明, 哈哈!)

跟住我地七個人浩浩蕩蕩去尖沙咀唱K。七個人包括:我, CONNIE, 主角IRENE, 我們三個的大佬, 威爺, 威爺的彈板同埋TIFFANY的, YEAH! 坐低之後我地第一時間係出去拿野吃的, 完全無人諗住唱歌, 因為大家都好鬼肚餓...唱歌其實又係無乜野講, 不過國語歌真係要找D國語人唱先好哩。其實之前係IRENE的生日, 所以我地係有蛋糕吃的, 唔好理舊蛋糕係點既樣, 都叫有野吃, 好野好野~ 生日快樂同埋恭喜恭喜!!!

唔, 唱了一晚我發現我對中文歌的認識程度只係去到幾年前的LEVEL。我決定番去研究一下...本來仲可以繼續的, 可是我們第二天係要番工的, 所以十一點幾就走了。大佬同威爺要趕西鐵, 連同IRENE SAY GOODBYE都唔記得, 唉, 真係唔應該~

今日有金句哩, 仲要係好掂的, 不過唔係大佬講:

無買到野添, 獻吻得唔得呀?

中午吃飯的時候, 我問有無買野送俾IRENE的時候, 威爺這樣說。

*1:詳情嘛, 等我唔做的時候先講哩, 而家費事了~

*2:用乜野理由走嘛, 哈哈哈!! 秘密!