GOOD!!!

老細習慣之一, 星期六遲番。基本上呢間公司的士氣係零的, 亦即係老細唔係度的話係唔會有人係度做野的。於是直到十點半我地都係係度聽LEO講歷代○星同事們的慘痛經歷, 包括結婚得一日假, 入來做ADMIN變了做SALES等等, 而我好SURE我現在身受其害的就是老細永遠唔會係1號出糧。WELL, 其實你係唔係都要出的, 又係FIXED的, 做乜係要拖哩? 如果有一個月唔記得係七日內出的話咪會俾人告? 唉, 唔好咁哩...同大佬等人研究過前途同公司的問題, 唔, 我係度諗, 如果我一早知道入來係做呢D野的話我會唔會做呢? 個日看SAMMY的日記, 提及過佢去面試*1的事, 我又係度諗, 如果我個日無應允番呢份工的話, 佢地會唔會叫SAMMY番呢, 而如果佢番的話又會點哩等等...唉, 不過得過諗字哩, 因為事實上係我做唔係佢做嘛~ 呢個問題直得我地研究一下, 究竟有佢無我的呢一間公司會變成點哩, 唔唔...

彈板同大佬給了我他們的TRAVEL CLAIMS, 叫我俾老細。我完全係諗住做的, 因為我都有廿六蚊係佢手...但係老細竟然係我落樓下入票的時候閃咗...!!! 太過份了, 看來呢個月的糧都有排出唔到...不過又多了半個鐘頭玩, 好野好野~ 佢地無聊地將公司入面有的公仔們放到好型咁俾我地影, 唔, 平時見到佢地都好唔高興, 因為代表會見到老細, 但係咁樣又好鬼可愛, 好! 不過影了咁多相, 最掂的唔係公仔, 係影了彈板同大佬背影的一張。用了做手機牆紙, 每次開電話見到我都想笑, 哈哈~

啱啱同阿媽講我會番去食午飯, 大佬就同我講話LEO哥請食飯, 問我去唔去。難得有人請食飯, 梗係去!!! 其實係因為佢地有BONUS出, 於是請我地吃飯, 不過CONNIE同威爺都無得吃, 唉 >_< ANYWAY, 五個人去了和民吃飯, 吃了.....都係唔好講, 我只好引述彈板的一句,「GOOD!!!」之後我, 彈板同大佬去了○記吃東西...唔, 呢D野都係等我走咗之後先講好D, 哈哈...真係好掂!!! orz

三點幾都仲係葵芳, 掂! 仲可以搭到車, 好! 但係又係我無聊得滯, 有書唔看走去SEND SMS俾阿哥, 就咁俾佢召喚到旺角陪佢買電腦, 但係我乜都無做過只係企係度, 都唔知做乜我要去, T_T 不過, 算了~ 落雨都有咁多人, 真不愧是旺角哩...

*1:我地有四個人同一日去IN呢一間公司, 我唔係第一個話請的, 但係之前她們都好醒目地拒絕了, 唉, 係我蠢 >_<