倒數, 仲有一日...!!!

好野好野, 距離我走的星期五就只有一天, YEAH!!! 呢個想法令到我成日都超級高興, 即使係老細叫我做乜野無聊野我都做得超級開心~ 又係度唱歌哩, 哈哈!!!

大佬今朝番來超級唔開心哩, 因為佢話昨天面試的時候D問題唔識答, 但係過了午飯時間不久佢就好開心, 因為間公司請佢, 但係要禮拜一番工...明明仲有成個星期先走得, 做乜會寫即刻可以番工的呢...? 搞到要同老細講野, 你話幾麻煩哩...不過早走早著哩, 如果佢肯的話...

結果好似話明天答佢, 都唔明做乜唔可以即刻答的, 真係麻煩的老細哩...係我繼續做D重複性工作時老細叫我出街街, YEAH!!! 但係首先要去隔離的工業區拿東西再去油麻地, 唔, 好在今天不太熱。個個工業中心非常神奇, 明明得兩期但係有四區搭LIFT, 即係去二期A-E室就去呢邊搭, 去F以後的又要去第二區搭, 搞到我上到去要去的層數時呆咗, 個度乜野都無...嚇得我...好在我曉看逃生地圖, 唉!!! 要拿的東西非常重哩, 行得我幾辛苦...而呢個時候老細已經走咗, 其他人係公司入面玩得幾咁高興, 可惡 >_< 不過我係唔會虧待自己的。五點三已經完成任務, 哈, 仲唔番屋企? 就算老細問我番咗去未我都未驚過, 因為我都走了, 怕乜鬼佢鬧我, 哼!!! 所以我六點鐘就番了屋企了, YEAH~~~

夜晚醒起我幫MK在YAHOO!香港BID*1GUNDAM SEED DESTINY PETIT STUDIO STAGE 1好似就來完哩, 好野好野, 無人同我爭, 呢個價錢我絕對接受!! 小真真我就來可以帶你番屋企~ 因為要係對面海交收, 好明顯係要MK去攞兼俾住錢先哩, 要欠MK錢到下次見到為止, 我有D驚...不過點都好過我俾錢先, 因為我只係要個兩三隻, 要我俾咁多錢有點兒唔抵, 哈哈~ LUNA真的很可愛哩, 不過MK要, 而藍小強X兩隻是一個非常大的問題哩, 因為雖然佢在三小強中係負責對女性放出"可愛"的荷爾蒙, 但係我一點兒都唔覺得佢可愛, 仲覺得佢面目可憎添...䖝小強都仲好過佢哩, 講開䖝小強, 佢件衫究竟係點的? 佢的死語係乜野? 做乜臨死個幾隻搞成咁? 以後諏訪部順一會唔會同杉田智和搶做佈景版軍人聲?*2...好耐無講GUNDAM, 一講停唔到添...下次開個TOPIC講~

明天就係LAST DAY了, 可惜無人同我FAREWELL哩, T_T *3

*1:因為MK話佢無YAHOO的ACC, 神奇!!!

*2:因為佢地兩把聲都係"型"聲, 超適合做軍人哩~ 但係其實杉田原本個角色係未死的...

*3:其實係講好等埋CONNIE哩, 哈哈~