再見我的...

唉, 本來諗住朝早對住部電腦可以對好耐好耐的, 點知要番工...激死我。星期六老細永遠遲番, 但係我就只會呢日早番, 因為架車早了...哈哈, 都無乜關係了 T_T 今日同事有點兒反常哩, 希望佢無乜事哩。老細唔係度大家就幫我同CONNIE做野哩, 唔, 在最後一刻讓我有點兒感動~ 係呢個星期的開始老細叫我地裝呢個MSN, 方便佢遙控我地做野, 但係我地呢D無乜野好做的當然用了來CHAT哩~ 玩下玩下老細仲話遲番, GREAT!!! 但係今日番半日的, 佢想遲到幾時呢?

大佬同我一樣, 昨天閃唔到, 果然我地係唔應該係咁係度唱「今天今天即刻閃」, 應該改改叫做「今天今天好想閃」, 唔好咁肯定先好...十二點半老細終於番來, 仲帶埋傳聞中會係度看守的ANDY來, ANDY一來就"的"大佬入房問佢做乜走。果然係大佬, 講個大話都唔使眨眼, 不過代價就係俾人審到一點幾, 辛苦你了大佬!!! 最後幫彈板貼埋幾張貼紙, 我就同呢間公司SAY GOODBYE了~

我會永遠懷念全班同事係度偷懶的日子, 一路聽住D SALES扮講電話一路係咁做重複野的日子, 仲有吃午飯的時候一定會講公司/老細/某人壞話的日子。我會記住我曾經有一個成日發夢又有問題的上司, 仲會記住以下幾位同事: 最鐘意係老細唔係度時係咁講野的LEO, 好鐘意看新聞的TIFFANY, 同我差不多年紀但係俾我地叫佢做阿爺, 對我地好好的阿威, 成日都係度玩我但係請佢幫手永無推辭的彈板傑, 同我一樣咁好笑而做野會好認真的大佬JACK, 只係做了廿日但係已經同我地好熟, 靚靚的IRENE, 同埋成日陪我傾計講笑, 好可愛的CONNIE。OH, 當然我係唔會忘記每日來兩次的速遞哥哥, 我真係有點兒想知佢係咪細過我, 同埋兄弟運輸仝人, 仲有不能盡記的一干人等。THANK YOU & SEE YOU!!! (老細就唔好再SEE了~) 唔好問我我學了D乜野, 我唔係好想寫...定係有無野好寫...?

放工之後本來諗住見下SHIRLEY, 但係佢又遲放工, 屋企又等緊我吃飯...SO SEE U NEXT WEEK!!! 今日要陪阿媽去美食博覽, 好似都去了兩年, 呢D博覽都係同屋企人去好D的哩。ANYWAY人和去年一樣的多, 我地又好似去年一樣被騙去了無人的貿易館先, 又係好似去年咁買了麪同埋豉油, 唔, 好在唔使我拎, 有個阿哥真係好~ 不過真係好迫哩...

是日金句:

今日大頭請食飯, 隨便坐!!!

哈, 呢句係我講的, 因為番到去觀塘的時候唔知做乜好開心, 於是就話請屋企人食飯, 去了aPM的「潮樓」。幾好吃又唔使加一, 但係服務好搞笑, 拿住隻蟹問我地食唔食。埋單大概要一百蚊位哩, OK哩, 因為我地係叫多咗的, 要打包回家...下次去吃上海野!!!