読者です 読者をやめる 読者になる 読者になる

2013年加拿大之旅DAY2 (27.6.2013)

旅行

來到加拿大第2日, 一早就出發去附近一個著名景點: St. Lawrence Market。對, 去到外國都係要去買餸...其實成個trip仲有去咗好多間超級市場, 不過太多費事寫了 :P

門口勁靚

ANYWAY唔知係咪太早, 個市場係無人咁滯。去咗一間買咗兩個包做早餐, 超好食, 但係我太睇小加拿大, 我仍然jet lag之下係食唔晒的, 頂...

四下無人

真係好食, 不過無胃口食...

St. Lawrence Market : Home

 

參觀完外國街市就向前行去另一景點, 唔知乜鬼舊酒廠區。個度原本係釀酒廠, 而家變咗做一個藝術區。本來無諗住去呢度, 只係再去其他地方唔夾時間, 不過又估唔到個度幾靚。除咗有紅磚建築之外仲有好多藝術展品, 有人係度做音樂表演咁。

酒廠展品(?)

都係一個字: 靚!

www.thedistillerydistrict.com

 

 

行完就番去酒店附近搭地鐵。其實呢次旅行我係狂行路, 因為加拿大交通費超貴, 兩個街口一個站佢要收十幾蚊! 結果完咗呢個旅行哥哥係話我痴線搞到佢要日日行, 仲有我個時好似係行到瘦咗XD 而家諗番轉頭除咗貴之外, 我仲有想行下條街睇下睇下點知行到一半搭車又唔抵咁最後行到散晒既諗法...不過條街真係好靚~

DAY3再經過, 哥哥叫我同呢個展板拍照既時候個黑人經理衝咗出來問我地影乜鬼, 知道我地係香港人就無端端同我地講史諾登...我而家諗番, 嘩人地做麥記的都知史諾登, 真係唔可以睇小加拿大人...

經過的草地, 另外行緊個條路好直兩邊都種咗樹好靚, 但係唔記得影相 Orz

 

 

下一個目的地係博物館。呢個係我要求去既景點之一, 因為有得睇恐龍! 不過估唔到仲有木乃伊!! 不過我無影到!!! (完全唔係因為驚) 雖然入場費貴啲不過都值回票價~ 

呢個站成個設計都好特別, 專for博物館~

恐龍呀!

恐龍呀!!

熊A

熊B

熊C

www.rom.on.ca

之後又係行, 因為哥哥約咗朋友係市中心食晚飯, 而所謂市中心只係行過幾條街, 同埋未夠鐘慢慢行仲好。等咗一陣來咗兩個男的, 對唔治經過咗3年時間我已經唔記得咗佢地個名, 不過大概個樣都仲記得...真係好對唔治...ANYWAY食咗塊好唔得既牛扒跟住我就番酒店, 而哥哥就同佢地去找其他朋友了(應該)。呢晚最經典係哥哥再出門之前開咗把遮係佢張床, 而我就狂睇無謂電視先瞓。到咗凌晨3,4點既時間我見到把遮仲放咗係張床度, 我係完全無理到繼續瞓落去, 無理哥哥幾時番XD 

呢幾條街勁多人, 好熱鬧~ 同埋呢個星期其實係Pride Toronto最重要一週, 有parade又有表演咁, 成條街都係彩虹旗, 啲舖頭櫥窗都彩紅佈置勁靚~ 可惜係我無機會睇parade, 哥哥話無野好睇(講大話佢只係唔想我去睇:X)同埋parade個2日既酒店價錢勁貴(呢個好緊要)。btw想知乜野係Pride Toronto可以google下, 新世界之門打開咗唔好話我~

 

呢塊就係唔好食既牛扒。好在佢仲未到好難食...

www.kegsteakhouse.com