読者です 読者をやめる 読者になる 読者になる

2013年加拿大之旅DAY3 (28.6.2013)

旅行

今日重點, 係去多倫多動物園!!! ...之前先周圍行下(對, 又行)。哥哥話想去安大略美術館攞啲小冊子比朋友, 研究搭咩車之前行路可能仲快啲 XD 經過附近的多倫多舊市政廳, 唔, 好靚, 令我諗起我中學... 

好似啱啱修復好呢PART

安大略美術館英文簡稱係AGO, 日文即係下巴, 我好想知啲加拿大人知道之後有咩感想...ANYWAY今日其實係休館日, 佢休館係直情無小冊子攞咁, 結果剩係影咗張到此一遊相就算了。

個招牌係非常有藝術感... 

Home | AGO Art Gallery of Ontario

 

跟住再行多幾條街去咗個好色彩繽紛既地方, 每間屋係唔同顏色的, 勁靚。跟住去咗個應該係景點既地方, 但係因為係平日早上無乜人咁...入咗間好HEA的CAFE食BRUNCH, 諗唔到叫乜於是叫咗個菠菜奄列, 比我想像中還要得好吃, 估唔到個好似好HEA既阿伯都整得一手好蛋...係呢度哥哥介紹咗我飲ORANGINA, 我想話呢支野係個日個個MOMENT係超級地好飲! 之後係日本同香港再飲番都無個時咁好飲... 

呢隻藍色無得頂

假期應該好多人

好飲~

懶得找我食個份張相, 用哥哥食個份頂住先

周圍都有啲不知名動物...

 

食完野就(又係行)番去酒店, 中途經過市中心入咗間舖頭睇, 個度有賣彩虹旗, 而我個日諗住遲啲仲有得買就無買, 結果之後都無見過...唉...之後係某日買咗支加拿大旗做記念, 點知留低咗係酒店...Orz...仲有之後某個事件, 我覺得我同呢啲旗真係無乜緣份.. 

好在有影低...

 

番到去係平日午飯時間, 商業區啲人出晒來ok熱鬧, 有啲係中環既感覺。經過架賣薯條既食物車, 有個option係加肉汁, 我問哥哥做乜要加肉汁, 佢就買咗番來比我試......我真係唔明啲人做乜要係啲薯條上面淋啲肉汁搞到咁 啲味係唔錯, 但係啲薯條林晒, 而且真係好heavy, 好辛苦食咗一半已經放棄...

你睇下個樣, 係咪已經唔太開胃? 但係其實OK好食

 

搭完地鐵再搭巴士, 終於來到多倫多動物園! YEAH!!....本來真係YEAH, 如果唔係落狗屎既話...實在太大雨結果要被昆買雨褸, 貴到我而家都仲記得就知幾貴。不過呢個動物園真係勁多動物睇, 同埋勁大...佢分配咗好多地方比每一種動物, 個地方可以係一個山頭, 咁雖對啲動物勁好, 但係對我地就極差, 要由一個山頭行去另一個山頭, 仲要係上斜, 仲有我個日著咗對窄啲既鞋, 行到我腳痛咗幾日...ANYWAY呢度最正係同大熊貓距離勁近, 只係隔咗塊玻璃...可惜佢唔比樣我見, 而又夠鐘關門...我係連GIFT SHOP都無行過咁滯的, SO SAD

今日勁多屁屁相, 這是食蟻獸

假熊

真熊

白熊 

(熊貓懶得找, 但係都係屁屁) 

Toronto Zoo | Canada's premier Zoo

 

 

 

今日食晚飯既對象, 係我哥哥係香港既中學老師, 佢移民咗來加拿大。我有時真係好佩服我哥哥的, 咁既關係都可以保持到...食完飯老師車我地番酒店之後又一日~

 

無乜特別

蛋糕有水準