読者です 読者をやめる 読者になる 読者になる

2013年加拿大之旅DAY4 (29.6.2013)

旅行

今日星期六假期約了嬸嬸和唐妹, 去之前先再去多次第2日去過既St. Lawrence Market, 因為想去買啲鮮花放係UNCLE個度。假期佢地特別會有一個FARMER MARKET, 啲地方農民會攞野來賣, 啲生菓蔬菜勁新鮮勁靚, 啲菇勁大隻, 剩係睇都好開心...係個阿伯度買咗支蜜糖(勁好食)之後就去全場唯一一個花農買咗紮花。

未入去已經見到人

勁多人!

好似好好食既薯仔

好似好好食既菇

St. Lawrence Market : Home

中途去了Tim Hortons, 係加拿大連鎖cafe, 應該勁過starbucks(係加拿大)

最重要係佢地啲糕餅好食!

timhortons.ca

 

嬸嬸佢地住係郊區個邊, 我地要搭成個鐘頭電車先去到佢附近的一個商場。跟住嬸嬸就帶咗我地去一間好colorful的食店吃類似早餐既lunch。好很大份, 食極都食唔完, 同埋好甜...不過去個邊都可以試下哩..連鎖店來的

www.chezcora.com

 

好colorful...

呢個係哥哥叫的egg benedict, 我唔明1份點解要有2隻...

 

 

食完竟然帶我地去COSTCO! 係嬸嬸問哥哥有咩地方想去佢話去的, 因為我會想去!! THANK YOU MY BRO!!! :) 話説去COSTCO要有會員証先入到, 而入會又要比錢, 所以去旅行想入去望下都唔得...好在auntie係會員~ anyway入costco真係會令人好興奮, 因為啲野勁大份之餘又平! 仲有佢地呢邊賣牛肉係成包米咁大舊咁賣的, 睇到無得買都好似好開心咁哇哈哈~

 

個size係奶粉罐

 

跟住就去嬸嬸屋企...門口走一轉, N年前去過一次, 個樣都係咁樣, 就係一間小巧的小鎮平房。然後就一齊去uncle個墓度。呢度墓地係好近民居, 而且仲好似會令樓價高咗, 唔明...話説uncle係火莽, 咁佢地唔會全部都好似香港啲骨灰龕咁一格格咁放出來, 除咗一格格仲有一條條柱, 甚至係石堆, 又或者係一張坐得既椅子既某部份(我諗係比啲人坐係度懷念)。咁uncle就係其中一條柱既其中一長格, 但係未刻名...RIP

auntie屋企種的花

我地買個紮花, 好正係淺藍色個朵

 

跟住唔知做乜又去超級市場, 呢間正常SIZE, 但係都係好多野買, 連衫都有幾行, 係度買咗啲手信(平, 好平, 結果買到out budget)...最後去咗間食牛扒既地方食牛扒, 因為我估到auntie會請, 所以我只係叫咗個普通的...但係好好食, 好過第2日食個舊好多倍, 仲要唔係貴..食完飯天仲係好光, 但係其實已經係夜晚七點幾...之後就同auntie say goodbye, 再搭番好耐電車番酒店了。

真係好食, 啲薯條都好食, 仲要唔駛比錢, 總之真係好好食

所謂的電車...

 

其實應該仲有做過其他野, 但係唔係好記得, 前2日寫哥哥去夜場, 其實可能係今晚先啱, 但係因為無影相我已經唔記得exact time...下次要寫遊記千萬不要好似今次咁遲先寫, 有咩可能記得, 遲三年...