2013年加拿大之旅DAY6 (01.7.2013)

今日7月1日係咩日子? 係加拿大國慶!!! 

而我地今日係去Niagara Falls, 睇尼亞加拉大瀑布!!

因為要搭差唔多2個小時長途巴士先去到, 所以我地晨咁早就出咗門口, 本來仲想買早一班, 但係哥哥堅拒, 結果係搭八點。話説呢間巴士公司係海鮮價, 越早買越平, 另外仲有啲特價日子, 最平1蚊加元就搭到一程! 而我地買到34蚊來回, 都算抵了~

又經過, 多倫多啲景點真係好集中

麻雀!!! 係邊度都係好可愛既麻雀!!!

無, 呢張只係想表達我地有幾早出門口, 只不過第2日更早...

IKEA! 我真係好想入去外國IKEA睇下係咪都係咁既樣。我好似去過廣州個個但係無乜記憶...

 

瞓醒咗就到, 都只係十點未到, 睇瀑布之前找野食, 就去咗非常colorful擺明昆遊客水既地方進發。個度真係乜都有好難形容, 入去睇下好喇...

大部分都係MADE IN CHINA

個期興

個隻獅子!

自從去過呢度, 我感覺到蠟像館係一種昆水既地方, 所以以後都無去過...

好似去咗THEME PARK咁

我諗搭到最高點應該睇到個瀑布

我有點亂了

呢棟樓設計唔錯

唔...?

唔唔??

 

行下行下行咗去正常啲感覺既地方, 見到有間寫住係family restaurant既舖頭就入去食早餐。well呢餐係成個TRIP最好食既其中一餐, 啲薯仔勁好食, 蛋又好食, 麪包又好食, 估唔到佢咁好食...佢個外觀真係好普通...真係估佢唔到~

睇個樣估唔到咁好食

 

en.tripadvisor.com.hk

 

食飽就去番昆水地方, 睇番呢度叫Clifton Hill, 係入面真係好開心, 不過每個場入場費都好貴, 好在係門口都已經好多野睇...

我完全估到入面係咩內容

仲多顏色過迪迪尼

真係好多fun, 如果有錢的話...

 

www.cliftonhill.com

ANYWAY係時候去睇瀑布!

 

.......真係好誇張的一個瀑布, N年前睇過1次, N年後再睇都係咁正!! 係瀑布有得坐船, 行下瀑布後面等等東西, 樣樣都要收錢, 如果網上買會有package平啲, 本來去加拿大之前有諗過買, 不過最後都係來到先決定做乜。其實當年我係有搭到船近距離睇的, 而似乎而家搭同一條船已經去唔到一樣既距離, 遠咗! 加上一定會整濕, 結果我地係無搭的...

唔搭的另外一個原因, 係因為我地諗住下晝搭巴士去附近一個叫Niagara-on-the-Lake既小鎮。話說係未去之前我同哥哥研究係瀑布個度有乜好做, 我就係某本旅遊書見到有介紹呢個小鎮, 咁就話不如去呢度, 而當時哥哥係話唔好旳...點知佢啲舊同學尋日問佢呢日會做乜, 咁佢就話未諗到, 不過有諗過去呢個小鎮, 然後佢同學係超推薦, 咁我地就決定去! ......唉好sad完全無說服力。

對面係美國, 如果唔係簽証要成千蚊我地應該會過去參觀下...

隻狗好可愛, 同場加影我哥哥對腳

瀑布邊, 呢個位我覺得正過搭船睇

 

去到車站個度買完飛爭啲走車, 因為唔算多人入去個站又係總站...一路坐車個司機一路係度講歷史, 我聽到一舊舊...落咗車之後仲要行段路先入到個鎮, 原來入面好鬼多人。

買飛位置

 

搭車地點, 唔好行錯

爭啲走車...

到站有遊客中心

好靚

因為今日係國慶既關係有好幾個EVENT, 無啦啦有個CANADA DAY BBQ, 雖然已經完咗咁滯, 但係都買咗隻熱狗食, 好平好抵好好食~ (無相)

係日本成日見到, 呢度就第一次見

好似好開心咁, 不過已經差唔多完...

 

www.niagaraonthelake.com

入去唔好講笑真係好靚, 不過我唔係好記得影相...然後3點左右仲有個蛋糕遊行, 成團樂隊護著個蛋糕巡遊, 勁好玩。

好似係旅館來的

好靚好多人, 另外我竟然係度見到香港人, 不過得3個。佢係我諗緊買唔買塊堅難砌既砌圖個陣出現, 最後搞到我無買(賴人唔洗本)

 

 

話説巡遊有國旗派, 個個人派晒比我隔離左右既人就係無比我, 豈有此理!

這個就是蛋糕。唔知會唔會食既哩?

圖中個啲全都吃得的

周街都係牛, 舖頭入面都有隻牛...

 

跟住去咗個以前係軍營既地方, 平時要比錢, 國慶免費入場仲有表演 :P 有鳴槍行禮等等。

招牌 FORT GEORGE

門口

唔知乜鬼

準備鳴槍

屁屁

 

www.friendsoffortgeorge.ca

好在今日唔洗錢入場...

 

其實咁HEA咁行係因為哥哥其中一個舊同學話過來所以等埋佢, 我地買定張回程車票結果無用(2016年既現在應該仲用到的~) 行咗去海邊, 好似話好天既時候會見到對兩TORONTO的, 不過今日就陰天。

隻狗好得意 

天氣不好哩~

 

行咗個Flea Market之後就去咗食飯(唔知點解呢度啲人好早就食飯, 可能平時早放工...) 我唔記得咗食咗乜, 剩係記得唔好食, 同埋我全程都係望住我哥同學個BB仔, 應該歲幾已經戒咗奶, 佢阿媽叫咗個雞胸雜菜, 一路同我地傾計一路撕開放係BB面前比個BB食(佢有專用托盤), 個BB擺咗落口想食就吞, 唔想食就放埋一邊, 然後個阿媽就食咗佢。我覺得好店, 其實洗乜飲咁耐奶, 又可以練牙又有得食REAL FOOD...

呢份好似係哥哥叫的, 我唔記得..

食完飯仲有時間, 同學帶咗我地去一間當地超出名既雪糕店食雪糕。呢間叫Avondale Dairy Bar既雪糕店, 每日用自家牛奶新鮮製作, 雖然唔係平, 又要係荒野既中央, 但係好多人走去買, 而且係超好食!!! 我係食到一半先記得影相...可惜應該無乜機會再來這裡吃, 但係真係超好吃唔好講笑...如果有機會真係想去食多次...

Avondale Dairy Bar 個網頁好HEA

好似平平無奇咁...

入面勁多人, 勁多味比你揀, 而且仲有唔同食法, 搞到我頭都痛埋

好明顯係食到唔記得咗影相, 真係超級好食...

 

本來同學話車埋我地番去的, 但係我地話唔好喇買咗車票就推咗佢, 麻煩佢車番我地去車站就BYEBYE了, 全程我坐咗係個BB隔離, 外國人個BB真係好大隻又好得意~

等車無聊一影...

 

 http://avondaledairybar.com/

番到去已經十點幾, 今晚睇咗一陣電視就瞓了, 因為第二朝要搭飛機 :D