読者です 読者をやめる 読者になる 読者になる

2013年加拿大之旅DAY7 (02.7.2013)

旅行

今日係離開多倫多出發去溫哥華既日子, 6點鐘我地已經要出門口...呢間酒店真係好正, 不過我諗價錢都好正, 但係我決定忘記佢...再見HOTEL VICTORIA! 

www.hotelvictoria-toronto.com

 

我地搭9點鐘既飛機, 大概7點已經到咗機場。正當我地呆等的時候, 有個人打直行向我地個度...!!! 原來係DAY2哥哥其中一個朋友, 佢其實係做AIR CANADA既空中少爺, 知道我地幾點機就特登同人轉更來同我地一齊過溫哥華, 仲要幫我地UPGRADE去BUSINESS CLASS! 我! 咁大個人!! 第一次坐商務客位!!! 張凳勁好坐, 原本無野食但係而家有生果又有早點食!! 實在令人太感動.. 原來呢位朋友都有問過我地香港來回個程係幾時, 諗住幫我地UPGRADE的, 不過咁樣又太過火所以哥哥無講比佢知, ANYWAY坐過幾個小時我已經非常高興~ 不過其實係有代價的, 哥哥的行李比佢地整爛咗個手柄, 之後幾日都要拖得勁辛苦, 仲令到我地最後要搭的的番機場...

再見多倫多!

大量購物...

連個yoghut都好食啲

 

溫哥華同多倫多有3個小時時差, 搭咗4個幾鐘飛機, 搞埋行李CLAIM數都仲係12點幾。3個人搭的士出番市區, 先係間cafe見埋哥哥另一個朋友, 呢個朋友我以前都見過, 仲同佢一齊去過2005年日本世博添~ 其實佢係放飯時間出來找哥哥, 咁講咗一陣就同2位朋友say goodbye了~ 過2日會再找佢哩~ 話說2位朋友其實同對方只係點頭之交, 我對哥哥交友之廣感到十份佩服...

好休閒

唔係我的哩

 

同2位講再見之後就去check-in, 呢度係有浴缸的...!! 食咗少少野就出發去Granville Island。呢個island真係唔好講笑, 除咗有啲文娛設施之外, 佢仲有一個好大好大既公眾市場, 簡稱街市。對我地又係行街市, 呢度生既熟既咩都有, 只係驚你無咁大個胃口食...完全係去溫哥華必去景點... 

Granville Island | 你睇佢個地圖就知有幾大...

上面係車道

以上都係市場區

 

遊玩的地方 

遊艇會XD

好休閒...

 

聽日開始連續2日, 我同哥哥會同佢係香港既同事兼朋友2個一齊玩。係呢幾日之前我都係只聞其名...anyway本來聽日先見的, 不過佢地知道我地係呢個island就都話來, 咁就等咗佢地入來試酒, 試完佢地就車番我地出酒店了~  

我唔飲酒的, 只係睇佢地飲

好食

 

然後我地又再出發, 今次係去隔離市Burnaby, 因為哥哥有另一個香港朋友剛移民過去, 佢託哥哥帶啲野過去(是什麼我已忘記)...呢個係唔知邊間公司既舊同事, 我對哥哥交友之廣感到十份佩服(<=又講)

同佢地食完一餐我已經唔記得咩味既日式放題就搭番地鐵番酒店了~ BTW呢度地鐵入閘可能因為轉緊SYSTEM係無人管的, 但係聽聞如果比人捉到你坐霸王車就會罰得好甘...

我記得食落有香港的感覺, 除咗因為我地同埋隔離枱都係香港人之外, 仲有啲味都好香港...明明係日式野

呢張模糊既相, 係中間見到個堆人中間個位, 就係應該係被發現無比錢既人...