読者です 読者をやめる 読者になる 読者になる

2015北海道之旅DAY1 (31.1.2015)

旅行

去到羽田機場都係6AM(日本時間), 仲比我地見到富士山!  

睇到既人就會睇到既富士山

 

本來係要繼續轉機的, 但係朋友驚趕唔切就等下一班! 其實原來趕到!! 既然係咁就係機場到HEA陣, 食壽司做早餐 XD 勁好食哩...

好好食

我哥叫的, 應該更好食

 

www.megumi-food.com

原來係築地過來..

 

 

之後總算去搭內陸機, 我地第一個目的地係函館。呢個函館空港真係細到無朋友!! 一出海關就到行李帶, 再過一度門就係機場大堂! 呢度可能未夠北所以都唔算好凍, 但係出面已經有雪人歡迎我地 :) 

其實呢度唔算太凍

 

搭程巴士就到市中心, 呢度真係市中心? 好小鎮FEEL~ 放低行李去酒店就去食野, 又係勁好食! 

啲飯都好食啲...

 

hakodategaya.com

 

食完飯2點幾, 我地就自由活動周圍行。我, 哥哥同埋另外一位朋友就3個人行。BTW之後大部份自由時間都係3個人行...ANYWAY因為唔夠時間我地就無去遠啲既五稜郭參觀, 只係响附近百貨公司同埋海邊行下。去到景點金森赤レンガ倉庫我地走咗去食雪葩! 冬天更加要食雪葩!! 又係勁好食呀頂...

函館市電, 好似總共搭過2次。佢真係好慢, 如果唔係冬天應該唔會搭...

 

不明巴士 

倉庫隔離就係海。就咁睇好似無乜野, 當日啲風吹到想殺人...

 

www.hakodate-kanemori.com

雪葩。唔我鐘意雪糕多啲~ 雖然都好好食~ 

www.milkissimo.com

呢度既STARBUCKS。原來成個市得呢一間...

 

話説我上網睇有人推介有家有香腸食既舖頭, 咁我咪諗住去睇吓啦, 點知佢係响山腳一個好隱蔽, 附近都係民居既地方, 而我地行到去先發現, 其實我地好飽...結果買咗TAKE OUT諗住遲下食, 點知之後太多野食, 最後無食到, 好浪費...BTW我好想知道啲屋其實有無人住...

夏天應該好綠好靚

始終都係食唔到...

www.raymon.co.jp

 

因為無乜野做, 就先上咗函館山諗住睇日落! 點知個日落唔係夜景出名個邊落, 不過都好靚~ 日落咗之後氣溫極速下降, 加埋大風, 仲要有溶雪驚滑, 真係唔講得笑...係室外睇到其他人來到影下相, 跟住我地3個就入番室內睇算...仲有係明明日頭係無乜人的, 唔知點解上到來係爆滿人, 啲人係一車一車旅遊車咁上...

搭緊纜車, 人已經多, 點知夜啲更多

日落了...

其實未夜景前睇, 呢個形狀都好特別

 

可惜唔係個一邊

呢舊野既附近勁滑, 好多人都差點P

 

因為室外太凍又大風, 我驚壞電話, 唯有係室內影, 模糊咗少少對唔治...

 

其實個夜景對於香港人真係有點普通, 因為每日去尖沙咀睇個景都已經好靚...呢度特別在個形狀, 但係要挨咁凍又大風去睇呢我又覺得唔係太值, 或者春夏秋季來會開心啲...

 

334.co.jp

挨完凍就下山找野食, 條街啲樹都裝晒LED燈個景都唔錯...先去咗函館好出名既ラッキーピエロ食包。我好後悔同哥哥分一半, 真係好食到痴線...(妖我好似無停過話好食...)

why the website so cool and my photo so bad... (突然的英文)

www.hakodate-illumination.com

ラッキーピエロ既其中一面牆, 好令我唔知比咩反應佢

好好食呀.......

 

luckypierrot.jp

好鐘意呢個網頁, 好有十幾年前網頁既感覺

 

食完走下一場, 去咗大門橫丁諗住食野, 點知個度係幾間細舖頭集埋一齊既地方, 然後好多日本人食, 無一間夠8個人入, 然後周街都黑晒(個時只係7點幾)。最後同哥哥去咗間食羊肉的, 味道嘛, 唔, 好食, 但係同之前幾餐來比已經無得比 XD

其實周圍都已經無晒燈

睇相咁多個位就係咁多個位, 你諗下間舖有幾細..

www.hakodate-yatai.com

 

 

食完就番酒店了~ BTW為咗慳錢我係同一個只係見過一次既女仔同床瞓 XD