読者です 読者をやめる 読者になる 読者になる

2015北海道之旅DAY3 (02.2.2015)

旅行

今日係滑雪日。唉其實我曾經話我唔想滑雪, 可唔可以唔去我自己行下算, 但係被哥哥否決...結果我今日用咗好多無謂錢, 因為學完我都係唔識, 同埋比咗錢買咗張好貴既上山票又去唔到...點解呀...

BTW呢次之後我開始想自己去旅行, 因為今次要等其他人浪費咗好多時間, 同埋好多時都要群體決定做一件事, 但係有時我唔想做咁想分開行, 又會有人覺得唔開心咁。實在太煩了。所以都係3 + 5 既其中一個原因...ANYWAY呢啲都係支節, 總括來説都是開心的~

我想知主人係幾點開始鏟雪...

 

都係雪...

 

好勁!

如果人少可以住呢間

 

個站背後

講番今日行程。晨早先搭民宿主人既車去隔離ニセコ滑雪場, 佢仲幫我地買定張上山飛, 佢有優惠價。跟住我地就去咗上堂學滑雪, 跟既係外國人用英文學, 除咗我地仲有啲外國人一齊學。WELL教咗成朝3個幾鐘我都係唔係好得, 因為滑雪裝備其實好重, 同埋係高處滑落去都要啲GUTS, 而我對自己體能完全無信心, 我完全唔覺得自己係會滑到...因為太累我係唔記得咗去咗邊食午餐的, 好似又係PANCAKE...食完哥哥同2個朋友就繼續去學多堂然後上山玩, 我就走去JOIN埋另外3個人佢地去咗食日本菜, 然後好肯定係個間舖頭個度瞓著咗至少半個鐘, 因為我有瞓死咗既記憶..呀仲有1個佢已經飛咗去最高點滑下去....

 

香港區旗!!!

 

咁仲有幾個鐘先JOIN埋其他人食晚飯, 我就話, 不如問下呢張上山飛有無得退啦, 因為我地4個人都無上山。咁我地行咗去詢問處問, 佢地話噢無得退喇, 同埋無滑雪用具唔上得山架, 除咗其中一個稍為遠的纜車。咁於是我地搭咗巴士過去坐啦, 嘩個度其實好高, 但係個風景真係好靚...雖然我地行去個休息中心條路都好艱辛, 好大風雪同埋唔知啲雪有幾深, 成日都P...入咗去中心想買野食下都無, 因為都收咗檔咁滯...然後我地又係個度瞓咗一陣...真係好累的哩!!!

 

瞓完再行埋條勁艱辛路之後就去番朝早去過個度等佢地玩完。WELL係山底玩雪其實幾開心, 其實呢度啲雪真係好細好靚... 

 

山上風景(利申:啲相唔係我影):

 

今晚去咗哥哥朋友話一定要去食既阿武茶。唔我就覺得呢間野似係比外國人食既日本菜食店, 無話特別好好食咁哩

係咪好有係香港食日本野既感覺 XD 係好食但係硬係覺得唔知點咁

www.abucha.jp

話說食食下飯我發現個氣氛有啲唔對路, 原來其中一對情侶嗌緊交。WELL你地去旅行開開心心嘛, 嘈乜哩...(我繼續食無理到)

 

 

食完飯就等民宿主人車我地番去。因為要分2程, 我同哥哥2個留到最後先。嘩個廿分鐘真係好感動, 唔使煩個下...! 

 

用呢張相來記念我個一刻解脫既心情

 

 

BTW其實無講到人構成: 8個人, 4男4女, 2對情侶(其中一對係上次加拿大個對, 即係哥哥同事), 另外一男一女各獨立, 再加埋我地2兄妹。個一對情侶+一男一女都係哥哥同事情侶中既女仔既朋友。而男個位雖然係朋友但係又無同2對情侶+女5個人咁熟, 類似係朋友搭朋友, 因為好似個對情侶同埋個女仔仲有女仔同事都係舊同學, 而哥哥只係同同事情侶比較熟, 但係同個位男仔都有傾個下計.....而我就除咗叫做識同事情侶之外其他人完全唔識.....係咪好亂呢? 我都係哩哇哈哈! ANYWAY好多時啲自由活動時間我地係變咗3+5組合...不過其實都無乜關係, 只係因為今日無乜好寫所以寫埋入來 XD