読者です 読者をやめる 読者になる 読者になる

2015北海道之旅DAY4 (03.2.2015)

今朝早起身, 因為今日基本上係大移動日, 而且走咗一架車要等一個鐘以上, 要瞓不如係架火車瞓...anyway如果大家第時有諗過去niseko滑雪, 誠意推介大家住呢度哩, 一出門口就有火車搭 XD 

駅の宿ひらふ

本來想搭再早一班, 但係大家都唔願起身, SO無計哩..唉...

LUNCHPACK, 好食

睇下幾多雪...

 

ANYWAY坐車去到札幌已經十點, 而我地要再搭十二點火車去旭川。係呢度又再自由活動一下, 佢地5個衝咗上去食拉麪, 而我就走咗去參觀札幌JR個大洗手間.....因為哥哥想放低行李箱先行, 但係要先找到個啱既LOCKER...跟住去醫肚, 求其入咗間舖頭求其叫咗啲野食都係好好食, 真係好過份哩北海道...順便去咗食街買咗啲糧食, 因為跟住又要大移動...話説呢個時候悲劇就發生了, 因為哥哥係硬擠個行李箱入LOCKER, 有個轆爛咗...

 

好食又平

當年我對吞拿魚無感, 而家睇番圖有點後悔

 

好想食, 被阻止

好靚

 

話説呢度有個洗手間大到嚇死你, 我諗有2個私家車位咁大度, 但係係一個套隔...即係你係可以一個入去的。個洗手間無論你係咩人都可以用到, 傷殘人士無問題, 男/女無問題, 有BB可以有個位放佢同換片, 總之乜都得...我諗呢度係香港做劏房都要幾千蚊租比成家人住了..

忍唔住影咗相

2張相都無overlap, 可以想像下有幾大...

 

幾好食, 不過貴咗啲

 

搭左個半鐘JR之後緊張既事就要發生了。因為今晚酒店架接駁小巴係3點開出, 而我地要先响聽晚住既旭川酒店放低行李, 成個程序要係半個小時內完成...係我既計算下應該完全無問題, 但係始終有8個人, SO都有點緊張 XD

牛角

 

休息中

除咗我地都仲有人架~

搭咗差唔多2個小時終於都到了, 對, 今晚係瞓層雲峽既溫泉酒店!! 一放低背包就即衝去浸! 因為呢度有3種溫泉, 要浸晒一定係食飯前, 臨瞓前同埋起身後, 唔係一定趕唔切 XD  

【公式サイト】 層雲峡温泉「ホテル大雪」

浸完就食飯, 因為朋友話想食SO係房食個啲, 雖然我prefer去食自助餐~ 味道嘛, 就係溫泉酒店既味哩~ 

 

食完飯大家掛住傾計爭啲唔記得出門, 其實住呢度其中一個目的係參加冰瀑祭! 呢個應該係呢度既人當年見冬天無人來而諗出來既祭典! 今年已經係第40年!   

 

啲人又係唔知係邊出來的

 

白雪+彩燈係好掂

玩緊滑梯

 

凍死人

 

呢舊野好正~ 

 

 

WELL, 真係好靚, 但係好凍, 負十幾度仲要自己走去啲冰既地方, 佢地仲去玩埋冰滑梯個啲野...好掂...

 

睇完就番去浸另一個溫泉, 唔好講笑, 真係超舒暢 XD

 

...

......

goodnight!