読者です 読者をやめる 読者になる 読者になる

2015北海道之旅DAY7 (06.2.2015)

呢個旅程其實已經進入咗下半部, 今日目的地開始會多人 (2句無關係)

今日係旭川雪祭第一日, 但係會場遠了點又就唔到時間所以無去(SAD)...

可惜

朝早都仲未擺好...

 

因為之前幾日太CHUR關係, 今日係遲咗出門口的...搭成2個幾鐘火車到咗小樽, 好明顯人係多咗的! 

唔記得係乜包

 

 

 

先放低咗行李係酒店, 我地又3+5咁樣行了。主要原因係小樽出名有條寿司街, 而其中哥哥朋友係想去某間超出名既舖頭吃, 而個間係要排成個鐘頭隊有多的...而且好Q貴...我當然SAY NO(無錢), 於是就分開行了~

 

出名既包無買, 買咗個朱古力包:

我諗個店主見我地3個遊客梗係會買出名包點知無買感到好神奇...

retty.me

 

 

另一個原因係我RESEARCH的時候發現有樣叫「おたべるトクトク体験きっぷ-喰いだおれ周遊券-」既野:

yukiakarinomichi.org

用2500YEN就可以食3份餐!!! 雖然唔知係咪好抵 但係有活動咁梗係要參加 XD

...不過買到呢張飛既地方好難找, 我差點想放棄, 原來因為今日先開始賣佢地連檔口都未SET好, 我諗我係頭十個買既人..

賣飛既地方

 

咁買完飛當然要去食, 行行下見番SET檔個阿伯, 佢走來搭詘咁我就順便問佢食邊間好, 第一推介都係間貴野, 但係佢話有排排隊, 然後就介紹另一間佢話好食既, 咁懶得排隊又費事諗咁緊係跟機...

好食!!!雖然食既係平野但係都好食! 尤其個湯超好飲, 雖然好肯定無貴野咁靚但係已經好OK!! 

www.shikamazushi.co.jp

跟住食第二份, 我哥哥話想食拉麪....唉有咁多野揀佢點解要揀食拉麪...不過我諗佢只係費事諗求其揀一間...

呢間係中華拉麪, 好食但係好飽...其實應該夜晚先食, 第二餐, 但係哥哥話要同其他人一齊食晚飯所以要而家食埋第二餐..結果食唔晒, 好浪費...唉都唔知佢點解要對其他人咁好XD

 

大丸ラーメン

 

其實2間舖頭都係, 如果唔係有劵係唔會入, 佢地仲係昭和年代既裝璜, 即係好殘, 不過食物好好食, 所以有呢啲LOCAL既野真係要參加~

 

食完2餐就番去運河睇野, 今日係「小樽雪あかりの路」第一日, 周圍都好多人好多野睇~

呢舊野正野

 

 

呢個牌真係娘到唔娘...

 

 

 

 

死神小朋友

 

個幾條冰柱... 

 

 

睇到中途去埋食第三餐, 係蛋糕+飲品, 好食! 可惜晏咗去無乜款揀...

洋菓子・喫茶の小樽あまとう (小心有聲)

電話無電, 以下啲相有啲唔係我影, 所以係靚咗 

 

 

 

 

睇完就去咗間好微妙既居酒屋食野, 食完就番去瞓了...(微妙到無影相就知有幾微妙)

 

r.gnavi.co.jp

好明顯我對哥哥乜意見到無我又無謂係佢朋友面前落佢面呢個循環開始感到不滿...