読者です 読者をやめる 読者になる 読者になる

2015北海道之旅DAY8 (07.2.2015)

旅行

踏入第8日, 今日終於去札幌...之前先係小樽三角市場食早餐。

其實呢度唔係有條運河, 應該無乜人來...

昭和的感覺

 

蟹!!!

 

北海道蟹個樣真係好鬼誇張...

不過其實我對蟹無乜特別感想, SO IT IS OK

好很大隻的

都係好很大隻的...

 

otaru-sankaku.com

 

食完去咗車站附近的ドン・キホーテ, WELL呢度就有點不滿, 因為要幫某位朋友買一個人買一份既野, 咁就要等佢地買完先起行...點知等極都未搞掂, 最後要佢地醒水叫我地出發先我地先搭火車出發...即係咁其實我唔MIND行呢個舖頭, 但係我係朝早先知道要幫人同埋一係就行耐啲...諗住用半個鐘點知用咗2個幾鐘個下真係有種想發脾四既衝動...即係佢地買呢啲野係賺錢用, 但係我只係唔夠十日前先識你地, 點解我要用我寶貴既旅遊時間去等一個可以叫唔識既人搵錢呢? 唔好意思都無句...其實個重點係因為我唔知等幾耐所以唔好意思行開睇野, 咁當然我知道突然要搞好耐都唔係佢地特登, 不過我本來諗住早啲去札幌某啲景點嘛, 頂...唉不過都係個句, 係哥哥朋友面前我盡量都唔話佢地, 因為哥哥咬出唔咬入, 哼! 

 

www.donki.com

 

很明顯係中国製

地下有間賣菓汁的, 佢地個naming sense都ok...

係幾好飲...

又唔係貴

 

算咁就我地6個出發去札幌。唉話說因而雪祭所以周圍平少少既酒店已經無晒咁滯, 我地要分開酒店住, 哥哥係要瞓CAPSULE的(佢之後話以後一定唔會住), 而另一位男仕係住高級酒店, 仲要一個人住TWINS(因為無SINGLE ROOM)... 

酒店附近的寺?

 

今晚住的酒店, 有溫泉又有ok好食既早餐~

www.superhotel.co.jphttp://www.nikoh.info/

 

哥哥間capsule

www.nikoh.info

 

先去咗雪印パーラー, 呢間野好出名所以都好多人, 真係排隊排到2位遲來的人來到都仲排緊...WELL如果你地早啲出聲叫我地行先咪仲好...ANYWAY雖然個甜品係貴啲不過好好食, 但係我諗其實應該周圍都有好食既野, 雖然呢間好好食但又無謂排咁耐隊.....

好滑!

北海道スイーツ老舗 伝統のアイスクリームとこだわりケーキ | 【雪印パーラー】

 

之後係附近景點遊盪, 因為我地諗住去食蟹宴.....話説因為太晏所以最掂個2款餐已經無晒, 都話咗早啲出發架啦你地又唔聽我講..(下刪300字)

呢舊野好食但好邪惡...

係幾好食

呢個都好食

札幌かに本家札幌駅前本店

食完唔記得咗點解我地分開咗行, 其實呢度啲記憶好模糊, 唔知係咪因為太凍...

ANYWAY去咗睇札幌雪祭, 真係好得, 同埋好多人...好好笑係我地3人行個位男仕行行下竟然撞到佢表弟, 名符其實的他鄉遇故知!! 仲要係响人潮裡突然撞到的, 都幾神奇~

周圍都係人

中間有野食, ok好味

行完之後再周圍行咗陣. 之後就入咗間MOS BURGER食少少野, 個陣已經差唔多十二點。之後就約定第二朝去睇野就各自散去, 因為我地3個人係住唔同酒店的...呢個時候事件就發生了...

呢個board幾靚...

好似有2行都係賣呢啲, btw呢間好細間, 雖然24小時開...

www.donki.com

 

mos.jp

 

事件: 話説雪祭其實係有3個會場, 一個係郊外比人玩滑雪梯, 另一個就係頭先行既大通公園主會場, 仲有一個係好細响薄野條街度放啲雪雕。因為我住間酒店其實都OK近薄野會場, 咁我就諗不如一個人行過去睇下先番酒店啦~ 咁就行咗去睇。咁薄野其實响北海道就好似東京既新宿咁, 好多夜場勁夜都周圍好熱鬧。咁我睇咗少少覺得好微妙, 加上有好多招客既哥哥仔周圍行, 正當我想番酒店個陣, 我發現我唔見咗我張紙地圖, 而電話因為凍得滯已經自動熜機..........係札幌零下幾度既大街上, 我, 一個人, 企咗係度唔記得咗自己住間酒店係邊條街.....(個幾條街好鬼似)

我行咗一條街找唔到有啲驚恐個陣, 我再試一下開電話! 一開即刻熄晒啲WIFI個啲用電既野, 然後開我早前DL定既離線地圖........係仲有1%電個一下我終於確定到自己同埋酒店既位置, 原來係下一條街既轉角!!! 知道自己係邊要番去就好容易~ 有驚無險又一日~ 其實行多一陣都應該番到去既, 只係係咁凍既地方無乜必要真係唔係好想再行~

 

無電電話臨無電之際仲影到呢啲相...