2015北海道之旅DAY9 (08.2.2015)

今日係响北海道既最後一日, 晨早浸咗個溫泉仔之後就食早餐, 呢間酒店早餐選擇不多但係全都好食~ 

 

食完早餐同我同房説稍後見, 因為我諗住衝去日本三大令人失望景點參觀~ 行咗十幾分鐘就到了~ 札幌市時計台~ (btw係2016年11月既時點3個我已經去咗2個...係咪應該去埋第3個? 不過好遠...)

我都明白會失望既心情

 嘿~

去既主要原因係因為佢係雪祭期間入場會送雪ミクfile, 反正又無野做不如去行下~ (同房未醒又唔睇得電視) 

其實又唔係好失望既景點, 入面都有野睇, 又有專人簡介, 只係唔好用"我來北海道就係為咗睇呢個時計台!!"既心態來看就OK哩~ 

 

都唔少人架~ 不過肯定至少有一半係OTAKU為FILE而來

Country Girls當年都企過既位置

 

就係呢幅圖既file, 超可愛~

 

跟住就番去尋晚間MOS BURGER等哥哥和男仕。唉話説我係無得上網, 而佢地2個玩遲到! 竟然起唔到身!! 搞到我企咗係度成半個鐘...唉...

周街都係miku

無乜野行, 行咗Tower Recordsハロプロ

今日其實無特別景點, 本來就PLAN咗去OUTLET, 但係5位GROUP話好想食多餐蟹仲有三文魚子之類既野, 咁樣我地又分開咗...ANYWAY因為佢地2個遲到, 我想去既地方佢地又無乜興趣, 加上仲有行李問題, 最後我地就決定照原定計劃去OUTLET..話説我係行番同朝早一樣既路, 但係有行李同無行李完全係2回事...

尋晚我好like個塊board, 朝早都好得

點解我唔朝早先睇...

 

 

去到OUTLET先食野, 去咗間食拉麪的, 又幾好食~ (不過唔記得係邊間)

好冷清的感覺

係貴咗少少

 

 

雖然話係OUTLET但係都無乜野啱我地買, 行到咁上下就去機場CHECK IN。

 OUTLET最LIKE的櫥窗

 

放低行李成個人鬆晒, 再行過~ 其實新千歳空港勁多野睇, 係呢度仲開心過係OUTLET XD

係機場都可以宅

呢度都係大量MIKU

 

行行下去食晚餐, 呢度有勁多舖頭比你揀, 不過臨尾係北海道梗係食海鮮! 呢間放晒啲MENU係出面咁有誠意, 雖然係貴咗少少, 照入~ 

比起市場食個啲梗係無咁好, 但係都已經係超好食!

好似係白子, 特登叫不過無乜味

 

 

retty.me

 

食完就走去掃手信, 呢度啲手信店真係多到你驚, 而且仲有大量試食, 掂! 

甜品~

呢舊野真係好經典, 無頭都知係MIKU

 

 

買晒又行到無晒力就過海關呆坐。我地搭既係九點半飛機, 而個5位朋友七點幾都仲係札幌......爭啲番唔到香港...好在佢地係最後關頭都趕得切, 不過就無行到機場哩(他們的損失)~

聽聞佢地食蟹放題食到啲日本人望住晒, 好在我無跟住去 XD 

之後就經羽田飛番香港了, 番到屋企爸爸媽媽仲瞓緊~ 雖然好快就比我見到有封信打開之後尖叫而嘈醒~~ 話説如果阿媽係我去旅行中途話我知收到呢封信我應該會用錢用得爽快啲~

下次想係夏天去哩~ 不過夏天應該好多人...