2015北九州之旅DAY3 (2.5.2015)

一早起身就同朋友去咗對面個浴場浸個溫泉。呢個完全係阿婆溫泉, 得一個好細既池, 然後好多阿婆係度浸。我地浸完個房東話對於我地夠GUTS入去表示驚訝, 比佢就一定唔會入云云...ANYWAY執好野就同佢SAY GOODBYE了。

這個就是溫泉

www.city.beppu.oita.jp

跟住我地就去別府地獄めぐり了。簡單來講係有八個唔同種類既溫泉, 佢地加咗啲設施然後就比人參觀賺下錢咁...今日仲有鬼來比大家影相同猜拳遊戲, WIN咗送條毛巾比我 :D

一去就啱啱好噴, 唔係要再等30分鐘...

GIMMICK野

除咗銀魂仲有好多其他動畫的

呢個真係好經典, 一定要親身感受... :P

好靚啲顏色

來溫泉梗係要食溫泉蛋

好有品味

有個位有好多貝貝的, 好大隻嚇死人

呢棵樹好靚

唔知佢熱唔熱, 個人 

 

www.beppu-jigoku.com

呢度話説差點唔見咗買既手信。話説日本咪要我地分類垃圾既, 但係我地又好懶咁放晒一個膠袋放咗係車度。咁好難得見到有一個地獄門口有個大垃圾桶唔使分類的, 咁我地咪即刻放晒啲垃圾入去。當我地準備走既時候我突然發現啱啱買既手信唔見咗!!! 諗咗好耐就諗, 唔通我地當垃圾咁掉咗? 於是拿拿臨我地就去番放垃圾個度找, 仲見到我掉個2袋垃圾, 我係咁意睇就覺得無, 不過再諗多陣, 如果唔係呢度唔見仲會有邊度唔見? 所以我最後就決斷地伸對手入去垃圾桶度攞番我地個2袋野出來...!!! 真係响個度! 放手信個袋比我地放咗一舊垃圾上去搞到以為成袋都係垃圾!!! 好彩我係走之前諗起DOUBLE CHECK, 跟住我地成個鐘前放垃圾個度又唔算多垃圾, 仲有未清垃圾!!! 如果唔係無晒手信會超慘!!! 

解決咗手信事件我地就出發去由布院參觀! 先去咗狭霧台睇景, 呢度真係唔錯~

www.city.yufu.oita.jp

由布院真係遊客區, 勁多人又要等位泊車...

 

係呢度我地完全係香港遊客咁, 做晒香港遊客會係呢度做既事...首先去咗B-speak買咗一整條P roll食, 係幾好食, 但係我唔會排隊買(我地去到剩番一條條裝同埋都唔洗排, 我地買咗食完個陣佢地都賣晒, 啱啱好)

www.b-speak.net

跟住再去一間好出名食鍋飯既食店由布まぶし心食飯, 呢度簡單來講得3種飯, 牛, 雞同鰻魚, 仲要唔係平, 但係好食到哭泣, 同埋會飽到上心口都未食完...

 

5人份既前菜, 食完已有飽的感覺...

 鰻魚

湯布院食事処 由布まぶし 心 湯布院ランチおすすめの店

 

咁其實湯布院話大唔大話細唔細, 但係要去啲景點都要啲路途...咁朋友話想去snoppy茶屋, 咁我地就話不如駕車去個邊(車放咗係JR站個頭)。點知去到個邊係基本上無位, 咁我地放低咗朋友, 我同哥哥就去找位泊了...呢個時候事件又發生了...

www.snoopy.co.jp

話說日本好多地方其實都係雙程行駛, 但係唔係度度啲路都會好闊, 咁就係我同哥哥找路行的時候, 哥哥因為對頭車太近而駛得太邊, 突然架車沉一沉之後就向前唔到!  咁我即刻落去睇下咩事, 原來係左邊後車輪出咗馬路係一個中空既空間唔上唔落!!! 仲要個條路好多車同人行緊, 你都咪話唔驚!! 好在哥哥醒目即刻停低, 一個車輪出我地都仲救到, 唔係兩個車輪都出晒去就完全無得救...呢個時候就要多得後面個架車既人同埋路人2個, 當我求救既時候後面架車就有人走咗過來幫我地睇下, 然後再同2個路人研究可以點做, 就係叫哥哥入R波扭既時候我推番架車上馬路!! 當然唔係得我一個推!! 最後當然成功上壘!!! 要知道就算我地識入R波都唔知扭左定右好, 仲有我一個人一定唔夠力, 如果唔係佢地(當然可能因為我地阻住條路), 我地都唔知點算, 真係THANK YOU VERY MUCH!!!

 

泊咗車我就趁未見番佢地既時候去咗金鱗湖望下。個湖特色一定要係清晨先睇到, 不過而家就咁睇都OK啦我覺得~

www.city.yufu.oita.jp

MEET完再行多個零鐘就出發去大観峰展望所睇阿蘇五岳。好可惜去到個邊個天陰陰地, 無乜野可以睇...同埋好鬼凍...

景観 - 阿蘇大観峰茶店ホームページ

行完巴巴聲落山, 因為今晚會係高千穂町休息, 同埋趕住去睇高千穂神樂。不能不説夜晚開住燈都睇唔到條路係好很驚的..(因為山上唔會有街燈, 就算去到馬路都係好耐先一盞...)

 

WELL, 個神樂嘛...唔知佢係度做乜, 不過都OK好睇 XD

takachiho-kanko.info

睇完今晚個HOST就來找我地, 因為我地未食野, 佢就介紹我地去食一間地區既居酒屋。普通地好吃哩

takachiho-kanko.info

 

食完佢再來找我地帶我地去佢屋企, 佢間屋真係大到無朋友, 同埋佢仲有佢媽媽都好客, 又識英文(阿媽係做遊客中心既人), 我地去到仲同佢地講咗好耐野。講咗一陣唔知點解剩番我, 另外一個朋友(女)同埋個HOST, 唔知點解佢係度同我地講佢既戀愛煩惱, 咁我地又係度同佢又英又日咁講, 講到成2,3點...ANYWAY希望係寫呢篇文既時候佢既戀愛問題會得到解決啦...

我諗就好似去啲HOSTEL住咁會識好多唔同國家既人然後傾計玩? WELL, 咁上下一次就OK哩, 其他時候我都係會想係酒店狂睇電視算 XD