2015北九州之旅DAY4 (3.5.2015)

一朝起身同房東講BYEBYE, 佢仲比早餐我地食! 好滾動!! 雖然只係一個LUNCHPACK!!! :D

 

聽聞係真的...

 

今朝既目的地係高千穂峡, 想去玩艇仔~ 然後完全唔明白郊區明明好似周圍都無人, 去到景點附近啲人開始蒲頭, 然後到景點條隊長到嚇死你...

已經好靚

人全部都係人

 

比完錢攞咗籌就去食個好簡單既早餐, 然後就去玩艇仔~

千穂の家

唔好講笑個景真係好掂, 雖然係落緊雨。周圍仲有鴨仔添~  

鴨仔圖懶得找XD

takachiho-kanko.info

 

玩完就經天岩戸神社天安河原, 啲石頭唔知點解可以堆到一堆堆又唔會跌,而啲遊客又唔會嘗試去搞啲石。成個FEEL都好正

唔知佢點放到咁樣

張相打橫咗, 都睇到啲石係一舊舊叠住

環境清幽

amanoiwato-jinja.jp 

takachiho-kanko.info

 

行完就係間CAFE買隻熱狗外賣當午餐走, 因為唔夠時間了! 雖然係遊客價格但係好食! 而且如果有時間坐係度食個VIEW係勁正的!! 可惜無時間... 

啲生菓太凍爭咗啲

 唔好睇佢咁既樣, 好好食的 

nisiusukifans.boo.jp

點解我地成日話無時間, 係因為我地今晚其實係要宿福岡的, 而我地12點幾仲係宮崎縣, 中途仲有至少2個景點!! 下一個景點係ASO FARMLAND, 本來1個小時既車程塞車! 差唔多要2個鐘先到!! 唔記得咗今日係黃金週既星期日! 仲要係中午!! 仲要呢度係單線行駛!!! 

ANYWAY去到朋友們即刻用跑咁沖咗入去, 因為佢地趕住去動物王國睇水豚...而我係無興趣比錢入去睇的...我就同哥哥係度周圍行買手信...呢度係免費入場, 如果有想去既地方就付費去, 例如動物王國同埋一啲遊玩設施。同埋呢度有好齊既手信舖頭, 基本上熊本必買既野呢度都有, 真係去咗唔駛再去第二度買 :P

門口。

我唔明

 

等埋佢地同動物們玩夠就去FOOD COURT食啲野, 真係好微妙的味道...食完又趕下一場了!

 

.......

呢個幾好食

印得好靚, 但係可以食的

好正

更正

www.asofarmland.co.jp

 

 真牛

我地下一場就係熊本城, 啱啱好係夜場, 平咗~ 我第一次行日本既城! 夜晚個城有射燈照上去係唔同啲! 同一個城我2016年3月都經過過, 點知1個月後就地震...ANYWAY後話 

 

熊本城公式ホームページ

行完去咗泊車個度找野食, 係就係貴咗少少, 但係味道好OK~ 無辦法無時間去熊本市街了... 

呢舊係牛扒, 好貴但係好好食

1592.jp

www.kyusanko.co.jp

 食完飯都成九點, 我地立刻長驅直進去福岡....我瞓著咗...好頂唔順 

今晚又係瞓AIRBNB, 差點找不到個地方係邊...打聲招呼放低啲野我地又出發, 今次係去中洲個邊, 先去一去ドン・キホーテ循例買啲手信, 其實呢間舖頭真係好鬼死亂! 

www.donki.com

跟住本來話番去休息, 因為哥哥好眼瞓! 但係男同事想去食一蘭, 咁最後無計都要去...我其實第一次食一蘭, 不過無乜特別感覺, 可能因為我唔太喜歡食拉麪哩...

 

本店來的原來

www.ichiran.co.jp

話說超夜都勁多人, 而我地排隊買飛之際, 哥哥男同事比個男人搭訕! 因為同事係肌肉人士, 個男人用佢有限既英文同佢講佢啲肌肉好得! 我同哥哥一睇就知佢比咩人搭訕, 好笑係男同事係講咗好耐先發現唔對路...你唔係既就早啲同人講嘛, 無謂惹人誤會...

走個陣哥哥撞咗個車尾(好似係出停車位個陣), 都叫咗佢累就唔好駕駛的了(怒)...另外仲行錯路去咗條窄路, 真係好鬼死驚成架車花晒, 好彩最後都無事...不個車尾點都係撞咗, 真係唉唉唉...

之後就番去休息了...話説我同哥哥買野(mostly我)買到唔知點執好 :P