2015中部北陸之旅DAY1 (30.8.2015)

今次係我家一家四口去旅行, 都不知要幾辛苦先叫得到阿爸阿媽去旅行...ANYWAY雖然成日聽人講同屋企人去旅行好鬼慘, 但係我又唔係好覺, 可能我阿爸阿媽好 XD (不過阿媽係有發過一次脾四...)  

先晨早搭巴士出發去機場, 又係搭HKEXPRESS, 今次目的地係中部國際機場。直航去呢個機場既廉航得HKEXPRESS, 我去個陣仲有優惠, 自從2016年啲人係咁宣傳白川鄉同立山黒部呢啲景點之後我再未見過有平飛賣...

我相信2016年好多香港人都知乜係昇龍道...

 

因為我預時間預得太鬆的關係, 去到係仲未到攞車既時間(對我地今次係自駕遊), 咁就先去找野食...竟然有北海道FAIR! 係咁意賣咗蜜瓜同雪糕食, 唔好講笑好好食...BTW我番屋企發現我有呢個機場個吉祥物既FILE..

www.centrair.jp

 

食完就去攞車, WELL今次揀咗房車, 原意係諗住阿爸阿媽會坐得舒服啲, 點知唔鬼記得我地會狂買野, 結果差點放唔晒行李...下次都係7人車起跳..最多揀高級型號...

我地下一個目的地就係養老SA, 即係高速公路既休息站。去呢度主要係因為我地要飛車飛去福井市...無辦法我地要係5日內由名古屋上富山再落番去, 仲要第1日傍晚先出發, 係咁的了... 

估唔到個SA都好多人吓, 係度先食少少野醫肚就再出發了~

呢度有個阿婆好無聊聊我傾計...不過我已經唔記得佢UP乜...

OK

養老SA(サービスエリア)下り | サービスエリア・お買物 | 高速道路・高速情報はNEXCO 中日本

入到福井市先帶阿媽去DONKI, 果然係鄉下既DONKI到夜晚會係有好多死飛仔的, 仲有有好多免費車位 XD

www.donki.com

去完再去酒店放低野就諗住去食啲野, 點知雖然係市中心但係係鄉下既市中心, 乜都無 XD

咁我本來諗住去食牛肉雞肉飯舖頭, 點知阿爸竟然唔食! 估佢唔到!! 結果入咗間個店主本來諗住等收舖既舖頭! 仲要係居酒屋!! 但係我地只係好隨意咁叫咗少少野 XD 

wataminchi-fukuiekimae.com

食完就番去瞓了...