読者です 読者をやめる 読者になる 読者になる

2016北九州山陽之旅Day3 (11.3.2016)

今日係駕車日, 目的地係山口縣景點s, YEAH~

先利用新幹線去到新下關站租車場, 租成12個鐘都係3千幾YEN, 計埋油錢唔使五千YEN2個人, 如果四個人去簡直係抵到嚇親人...好可惜下午天氣差了點...

ANYWAY先去咗川棚のクスの森, 簡單來講係一棵嚇死人咁大棵既樹...唔知點解附近有啲夜晚睇會好像恐怖既稻草人, 同埋一車係度賣但係無人睇住既農作物...

唔好講笑, 諗下夜晚周圍無人又無燈既時候...

bunkazai.pref.yamaguchi.lg.jp

跟住繼續北上去到福徳稲荷神社, 呢度近海連埋啲鳥居影相勁靚, 可惜今天雲多了點

guide.travel.co.jp

下一個景點係角島大橋, 亦係我今次旅行主要想去既地方。

真係好靚, 今天雖然天氣唔太好有雲, 但係都係好靚。不過同時間都係太凍...

tsunoshima.info

睇咗咁多景點係時候去食野, 一早決定咗去呢個休息站食海鮮丼。

道の駅北浦街道ほうほく | トップページ

呢度都有好多野買, 無啦啦又買咗大量手信, 我地繼續行程。

下一站係元乃隅稲成神社。

呢度係好靚, 但係勁難泊車入去! 條路又勁窄, 有一個moment我同對頭車個司機對望, 好彩個司機醒水知我唔掂自己搞掂個擺位, 唔係我都唔知點算 :P

www.nanavi.jp

跟住係去睇花, 目的地係荻市! 先去咗呢個市場, 因為網頁話有櫻花睇~

萩しーまーと

....係有但係隻色好微妙...同埋個市場都無乜野買...

ANYWAY其實最重點係想去睇椿! (雖然朝早已經睇咗), 所以唔緊要~ 途中經過世界遺產, 順便睇咗, ummn...完全唔知佢係乜...

hagishi.com

到了萩市椿群生林, 我目的係想睇椿花散在一地既相, 好似官方個張相咁:

hagishi.com

可惜係呢幾日落雨, 同埋其實花期都尾, 所以係睇到個感覺係有點微妙...係好壯觀哩都不過, 仲比我睇到耶穌光添~

其實荻市最多人去既景點我都無去到, 但係個啲好多都係歷史景點, 而我對日本歷史完全無認識...有機會會再去~

 

最後經過呢個休息站入去睇下有咩買, 仲比我見到落雹~ 話説我係呢度買咗支好好味既豉油, 我到而家都好想買番來用, 但係係山口縣特產, 都唔知點買...

www.hagioukan.com

買完野都係時候回程, 個幾鐘車程番到去新山口駅入油再還車, 又買咗少許手信就番去廣島了。今晚去咗經過咗好多次既やよい軒食飯:

www.yayoiken.com

呢間係香港即係大家樂咁既舖頭, 點解個味會可以咁得既...Orz

食完飯就番去休息了, 去旅行唔好chur到太盡先得...

 

(BTW本來諗住我同朋友一人駕一程車咁行, 點知佢原來連SUNDAY DRIVER都唔係, 竟然可以係便利店停車場中央停咗係度唔知點算咁...結果除咗開頭幾下, 成日都係我駕車...真係嚇死你...)