2016北九州山陽之旅Day4 (12.3.2016)

今日仍然會係响山口縣遊, 但係首先要放啲行李去另一間酒店, 呢間係JR站隔離。

係荻往還休息站買既早餐, 個蛋糕好好食, 但係唔係2個人既份量...食到我飽到哩...

 

晨早出發係因為要搭EVA新幹線, 紫色真係好鬼靚~ 抽到有得坐機倉, WELL, 真係好鬼無聊的遊戲...不過唔洗錢有咁多野玩都幾開心的~

www.500type-eva.jp

搭呢程新幹線完全係為咗EVA, 去到三原站就落車了。通常啲人會去吳市或者尾道觀光, 不過我有更想去的地方...山口縣防府市...

先係JR站個度租單車, 個2個嬸嬸發現我地住廣島表示好緊張, 搞咗好耐最後都借到...第一次借電動單車, 真係好方便, 唔駛用好多力已經上到斜, 如果有機會租單車我都強烈建議大家租電動, 好開心的真係...

ZIP一聲就到咗防府天満宮, 呢度同太宰府天満宮都係同一個天神的, 不過呢度遊客比較少, 亦都好行啲~

去到個度仲有好多梅花睇, 不過總係覺得櫻花好似好睇啲咁哩就係~

防府天満宮

睇完就去番放單車附近個休息站睇下野。

umeterasu.jp

睇完就去埋附近既毛利氏庭園。簡單來講就係一個好大好大既公園, 但係要比錢入。呢度仲有個博物館, 不過又係要比錢所以二揀一剩係去咗庭園算。

係呢度找到我想要既成地花!! 不過要近鏡, 因為得幾棵~ 呢個庭園真係好鬼大, 雖然我唔識邊個係毛利氏...

国指定名勝 毛利氏庭園/毛利博物館

之後向海邊進發, 我諗應該單程都駛咗四十幾分鐘。途中去咗個草地, 佢地個度種咗好多河津櫻, 超靚~ 

桜と梅の新スポット『海が見える「花の園」』(新築地緑地)を紹介します - 防府市公式ホームページ

駛咗好耐終於見到目的地, 向島小學~ 呢度有一棵好大棵既寒櫻, 每年都係小學畢業典禮既時候開花, 我上網睇到呢棵樹既時候就決定咗去呢度睇 :D 

可能得一棵好似好少咁, 但係係一棵好大棵好大棵的花! 種感覺就好似以前中學個棵心跳回憶樹咁! (雖然已經被斬N年...T_T) BTW係超多人去睇, 成間小學比私家車泊晒之內, 得我地2個駛單車來...叫我地泊好單車個阿叔知道我地由防府JR站騎過來個時個樣真係好搞笑~ 仲有係我朋友去既時候騎得太快過咗門口都唔知, 好在whatsapp有電話可以call番佢來, 唔係我都唔知點救佢~ 

向島小ホームページ

睇完都成2點半, 我地係狂騎單車番JR站, 半個鐘頭先番到去...番到去肚餓入咗面前間AEON個FOOD COURT食啲野, 不能不説真係唔好食, 雖然都係好過係香港食...

shop.aeon.jp

 去晒PLAN好去既地方之後唔知做乜好, 我就帶我朋友去咗小倉, 呢度站前已經有成座為OTAKU而設既商場...放低佢之後我就走去下関市個MALL睇野, 有PASS果然係好開心去邊都得... 

aruarucity.com

sea-mall.jp

雖然好開心但係時間都好緊張, 因為我地係住廣島! 而我呢度要搭新幹線係要轉車的...我最後係站前超市買咗啲野食就衝去搭新幹線...係上面食埋野 XD

超市質素都已經好OK, 仲要半價

 

番到去廣島, 等埋朋友就去CHECK-IN, 嘩呢間酒店真係窄到哩...窄到係我地是但一個人開咗行李另外一個就要上自己張床咁窄... 

www.viainn.com