2016北九州山陽之旅Day5 (13.3.2016)

今日要同山陽講再見, 我地向北九州進發, 而行李已經多到嚇死人 XD好靚

去到福岡先放低行李去今晚間酒店。博多站今日有賀新幹線週年記念EVENTs, 不過係下午先有...係博多站周圍行咗一陣就再出發去小倉, 再轉車去門司港

EVA CAFE

 

呢度真係好鬼多人, 但係都選擇去係因為今日有咖哩fest, 有好多唔同種類既咖哩買來食, 好似好鬼開心咁~ 當然除咗咖哩仲有其他野食哩~ 我朋友就話食物車個拉麪非常好吃了~ 行入啲個場地仲有音樂表演, 真係好開心哩, 除咗凍咗啲~

必影?

好食

www.mojiko.info

係港口行咗一陣頂唔順太凍就向九州鉄道記念館進發。簡單來説係去睇火車...btw我想話日本人真係好識做生意, 除咗有賣開既食物手信, 仲有火車站牌賣, 差唔多全部都有...我見有啲係會賣晒的...

九州鉄道記念館 -門司港レトロ地区観光-

睇完仲有啲時間, 就去咗附近間超市買野食番酒店。呢間超市真係好好行...同埋好多野食賣, 好難選擇...

www.halloday.co.jp

火車個陣聽到有香港人超白痴咁, 我即刻行開啲...真係好心佢地細聲啲啦...

去到博多check-in, 今晚住日航福岡酒店, 唔係有錢係因為啱啱買到平plan...呢度係會有人幫你攞行李的, 而幫我地拎既係香港人, 佢係咁問我地問題, 但係我地都唔知點答佢...入房, 間房大到嚇死你哩, 係我地尋日住個間既四倍宥多....

www.hotelnikko-fukuoka.com

食完野仲未夠7點, 而我朋友係諗住去宅...咁我教佢點去之後自己又周圍睇野了...睇完趁仲有時間, 就去埋飲咗杯送既welcome drink, 雖然都已經九點幾, 人地正準備收舖...

真係好靚

番去我朋友夾到隻殺老師!! 極度可愛~ 熊仔同佢玩咗一陣, 我終於體力透支冬眠咗...

已成好友

呢張係我朋友趁我冬眠攞我電話影的, 我第二日無端端發現多咗十幾張熊仔相...