読者です 読者をやめる 読者になる 読者になる

2016北九州山陽之旅Day6 (14.3.2016)

旅行

見有COUPON, 朝早就去食咗佢個早餐。唔...係幾好食但係唔駛比咁多錢...

今日目的地係去長崎, 雖然搭火車都要2個鐘, 但係我地好HEA咁9點幾先搭火車...去到都成11點幾...

去呢度主要係因為我朋友想去軍艦島(註:原因為宅), 但係我研究咗好耐又唔想比幾千YEN去吹海風, 結果我送佢去集合點我就一個人遊長崎了...

先經過的是グラバー園仲有大浦天主堂, 我2個都無入 :P 經過當去咗~ (其實係唔夠時間+要付費)

景點唔入反而去咗超市, 仲買咗魚燒餅食, 好大件好飽... 

ジョイフルサン|食品から雑貨まで揃う総合スーパー

 

跟住我沿路行, 見到啲好舊既建築, 其中一間有得入咁就入去望下...係一間洋館, 勁似BIO HAZARD出現個隻洋館, 入面係無人啲傢俬又舊, 你都咪話唔驚 XD 不過最驚都係有個男日本遊客唔知做乜放低自己單反相機係長椅之後入洋館! 就咁放低完全唔驚比人拎!! 仲要出來個陣同我打完招呼個勢似想走!!! 好在問佢2句佢終於記得自己部相機...

之後去咗傳聞中三大令人失望景點之一オランダ坂。WELL又真係好令人失望, 北海道個時計台都話有啲野睇, 呢度真係得條路...仲要係斜的

 

跟住行番落山去咗條中華街, 呢度好多遊客同埋好多賣腩肉包既舖頭, 我真係好想知以前啲人係咪真係日日食呢舊野? 會唔會膽固醇過高而死...

 

行下行下比我見到間細既AEON, 咁又入去睇下。係呢度爭啲唔見咗個散紙包, 話説我係100YEN位置買完啲野比阿媽諗住閃, 循例DOUBLE CHECK自己啲野, 就發現唔見咗個散紙包! 好驚!! 啱啱先比完錢無耐!! 跟住係咁沿路找, 呢個舖頭唔大但係都找唔到...本來想係地下個服務台問, 但係又咁啱好多人...咁最後我決定上番100YEN個度睇既時候, 就見到櫃台姐姐s攞住我個散紙包係度討論!! 我即刻同佢地講係我既然後攞番!!! 勁開心~ 不過唔明佢做乜咁容易比我攞番就係啦, 或者佢地仲記得我係佢地面前用過...

イオン銅座店公式ホームページ

之後見到間藥房就入去買少少野, 頂個店員一見到我攞本特區護照出來退稅就即刻轉channel講國語, 同佢講我聽唔明佢講野佢都照講, 真係好唔明做乜啲強國人一見到我地就要講普通話! 我地講廣東話的!! 呀不過尋日間酒店個boy見我地係香港人都係咁講廣東話...homesick?啲動物永世剩係比我影屁屁

 

仲有啲時間就行埋去眼鏡橋個邊。唔, 無乜特別。

行到呢個時候朋友話已上岸, 咁我就約佢係ANIMATE集合, 呢間係我今次第二間去的ANIMATE(佢已經係第四間? 我已經放棄數), 好鬼細但係乜都有, 不過對我無乜用 XD

本來有諗過睇長崎夜景, 但係諗諗下都係唔想同我朋友去睇 XD (呢啲咁浪漫既地點應該一係成班人去OR一對去) 咁就番去博多攞行李。

點解話攞行李, 係因為我地今晚係瞓熊本 XD 搞一大輪之後去到酒店都已經成十點幾 XD

最後去食咗牛肉飯就瞓了 XD

www.nesthotel.co.jp