2017關西打風之旅Day00 (19.10.2017)

今次旅行準備工夫做到好似無咁滯, 仲要做埋啲白痴野......話說我放工之後返去執行李, 唔...? 點解好似差咁啲野咁...原來我放低咗個尿袋係公司......基於我完全唔想再買既關係, 我係巴巴聲搭車來回去攞返...好在都仲趕得切搭車...

 

話說行去寄倉個陣有個南亞人行來話唔識講中文叫我幫佢用佢部電話...但係好明顯佢行多2步就可以有HELP DESK幫佢, 騙人可唔可以PRO啲...? 不過唔知個PLOT係點...? 攞起佢部電話會好危險定點...? 唔...

循例一影~ 今次搭既係香港航空凌晨機~

話說我第一次搭香港航空, 基本上性價比極高, 係舊少少, 啲野食唔好食, 同埋會播舍利子色即是空(我去程以為附近有阿伯大聲播, 返HK個程因為無人先好SURE係廣播XD)之外, 其他都唔錯, 仲有電視睇~

是日晚餐(豆腐花之外的都不能用言語表達佢有幾難食...)

 

本來我諗住瞓的, 但係佢有得睇帝一之國, 雖然係低畫質, 但係睇下睇下又想睇埋結局, 最後既惡果當然係第二日超辛苦 XDDD 

帝一の國 通常版Blu-ray